Shadow

Negros Occidental naka record sang pinaka mataas nga Covid recoveries kag deaths

Gikan sa masobra 3,000 ka active cases sang Oktubre 30, nag panaog sa masobra 2,600 ang active cases sang Covid -19 sang Negros Occidental sang Oktubre 31.

Sa report sang Provincial Incident Management Team, 512 ang gin report naka recover sa amo nga petsa. Sa amo man nga report 76 ang Covid related deaths.

Ang saka sa recoveries kag subong man sa Covid deaths suno kay Zeaphard Caelian ang incident commander sang PIMT ang tuga man sang mga nag sinulod nga report gikan sa mga local government units.

Damlag pa ginpaathag na ni Caelian, nga ang delay sa report sang mga LGU kag ang sistema mismo sa reporting ilabi na sa mga pag deklara sang Covid death pila sa mga rason kun ngaa naga tingub ang pag report sa mga kaso.

Sa karon suno kay Caelian amat – amat naman gid ang pagnubo sa active Covid-19 cases sang Negros Occidental, napaidalom na gani ini sa alert level 2 sang Department of Health.

“Ang LGUs bala late na maghatag sang ila nga figures. Kun lantawon mo dapat ang aton recoveries will tally sa ila nga mga new cases. May new cases kita be subong, 100 sa subong nga adlaw, after 14 days ma tally na to siya dapat, recovered na na tanan. Ang problema ta, recoveries ta kun kis-a ma kita mo kis-a tag 30 lang kabilog. Kun mag report sila nga ma tingub naman ang mga recoveries nila that’s why ma talbo aton recoveries vs our new cases,” suno kay Caelian.

Secured By miniOrangeSecured By miniOrange