Shadow

Naga panubo na karon ang kaso sang Covid-19 sa Negros Occidental pero mga ospital puno sa gihapon

Magamay man ang gin idog, pero may pagnubo sa kaso karon sang Covid-19 sa probinsya sang Negros Occidental.

Suno kay provincial administrator Rayfrando Diaz, madamo na ang naka recover. May pagnubo man sa positivity rate. Kun sadto anay nagasobra sa isa ka gatos ang occupancy sang mga quarantine facilities sang probinsya, nag amat-amat na ini nga naga ligwa karon.

Sa Cadiz healing facility, subong nga adlaw, 41 na lamang ang naga tenir. Sang nagliligad 150 ang yara diri. 68 na naman ang yara sa EB Magalona healing facility kag as of October 16, 54 ang sa Silay healing facility. 30 naman ang yara sa Mambukal. Ugaling padayon nga puno ang mga ospital tuga sang moderate to severe cases.

102 percent ang admission sa ospital sa Cadiz, 92 percent naman nga puno ang ospital sa Valladolid kag 66.67 percent ang ospital sa Himamaylan, nga mga Covid Centers. Suno sa provincial administrator indi pwede nga mag kumpiansa kag padayon dapat nga mag andam kag halong ang publiko.

Leave a Reply

Your email address will not be published. Required fields are marked *

Secured By miniOrangeSecured By miniOrange