Shadow

Murciahanon nga OFW nasapwan nga patay sa kwarto sang hotel kun sa diin siya gina quarantine sa Makati

Kahapon kuntani sugaton ni Patrolman Nico Malibong ang iya utod nga si Shiela Mae Hillares, 40 anyos nga nagtrabaho bilang domestic helper sa Lebanon.

Oktubre siete nakabalik sa pungsod si Shiela Mae. Gani sang Oktubre 8 ginpaidalom siya sa hotel quarantine.

Pero wala magdumdom ang iya pamilya nga sang nagligad pa lang nga Lunes siya ang magtaliwan bangud sang hemorrhagic stroke samtang gina quarantine sa Eurotel sa Makati City.

Suno kay Malibong, duha man ka adlaw nga wala nila makasugilanon ang ila utod. Gani gin-ayo nila ang ila paka-isa nga yara sa Manila nga kadtuan ang ginatiniran nga hotel ni Shiela Mae

Tubtob nga nasapwan na lang ang iya bangkay sang Miyerkoles.

Nagapati ang pulis nga responsibilidad sang Overseas Workers Welfare Administration kag sang tagdumalahan sang hotel ang pag sapopo sa iya utod nga may allergy sa pila ka mga pagkaon.

Gani sila man karon ang nagahinyo sang bulig agud nga mapasakaan ang kaso ang mga natungdan angut sa kamatayon sang iya magulang.

Bwas sa hapon maga-abot ang bangkay ni Shiela Mae gani tuyo man ni malibong nga sugaton ang iya utod antes nila pagdal-on sa ila puluy-an sa banwa sang Murcia.

Nagahulat man sa pag-abot ni Shiela Mae ang iya 9 ka tuig nga bata nga babaye nga tuyo niya man kuntani i-sorpresa makaligad ang walo ka tuig nga pagsakripisyo bilang OFW sa luwas.

Leave a Reply

Your email address will not be published. Required fields are marked *

Secured By miniOrangeSecured By miniOrange