Shadow

10 sa 99 ka mga opposition sa voter applicants sa Bacolod gin withdraw

Sa 20,518 ka mga voter application nga nabaton sang Comelec Bacolod paagi sa voters registration halin sa hulyo tubtob Setyembre, may 99 diri ang may yara sang opposition.

Pila sa mga reklamu nga nabaton sang Comelec Bacolod sang Oktubre katorse ang batuk sa mga nagbalhin sang voters registration kag may yara man sang new voters registration.

Tubtob sa Biyernes pa ang natalana nga Election Registration Board hearing para ma-resolve ang reklamu pero ginsiling ni Cana nga may yara na sang napulo ka mga opposition nga gin-withdraw.

Kabahin sa mga ginakwestyon ang residency sang mga voter applicants.

Pila sa mga applications nga may opposition ang gikan sa Barangay 3, 30, 32, Alijis, Bata, Granada, Mansilingan, Singcang-Airport, Tangub kag Mandalagan nga may 29 ka mga opposed voters application.

Bangud man sang ERB hearing gin limitahan sang Comelec Bacolod ang kadamuon sang voters applicant sa nagapadayon nga voters registration sa mall.

350 ka individual kada adlaw ang sarang nila ma accomodate sa registration.

Nagapangabay man ang pamunuan sang Comelec sa mga nagaparehistro nga kumpletohon ang ila mga dokumento bangud isa ini sa masami rason sang delay kag pag-gutok man sang registration area.

Leave a Reply

Your email address will not be published. Required fields are marked *

Secured By miniOrangeSecured By miniOrange