Shadow

Mga patyo amat-amat na nga gina bisitahan

Mga patyo sa probinsya ang amat-amat nga nagasako karon nga naga hilapit na ang pista minatay.

Sa Silay City Public Cemetery, masako na ang pagpang limpyo sa mga lulubngan, bisan pa ang pag pangkaayo. Suno kay Mark Postrado, nga naga tanyag sang iya nga serbisyo sa pagpaminta sang mga lulubngan, sang Domingo sila nagsugod bisita sa patyo. Wala sang pag bag-o suno sa iya, sa ila nga pagpanukot. Ehemplo dala sang pagpangiskis kag pinta, 500 pesos.

Nagalaum sila nga maka ganar karon nga tigkalalag. Wala labot sa pagpanglimpyo may mga naghalad na sang bulak kag nagsindi sang kandila sa ila nga minatay temprano pa.

Suno kay Janine Espera, karon nga may pandemic kag indi sarang mag kumpiansa sa pagdagsa sang tawo, mas maayo na suno sa iya nga subong pa lang magbisita na sa minatay para malikawan ang virus.

Sa public cemetery naman sa Talisay City, matawhay pa magluwas na lamang sang tigpila ka mga nag panglimpyo sang lulubngan.

Leave a Reply

Your email address will not be published. Required fields are marked *

Secured By miniOrangeSecured By miniOrange