Istrikto nga monitoring ang gina patuman sa mga mangunguma nga gina tugutan sa pag sulod sa 4 to 6 kilometer danger zone para mag ani ukon mag atender sang ila nga pananom.
Suno kay Office of the Civil Defense Regional Director, Donato Sermeno, III, ang mga checkpoints nga napahamtang ang gina require na sang adlaw-adlaw nga report sa tinutuyo nga ma account ang tanan nga nagsulod kag nag gwa sakop sang 4 to 6 kilometer danger zone.
Sa karon, compliant man ang mga mangunguma nga nahatagan sang 6am tubtob 4pm nga window para sa ila nga mga pananum kag kasapatan.
Sini lamang ang Incident Management Team sang Task Force Kanlaon ang nag patigayon sang site visit kag ocular inspection lakip na awareness situation sa 4 to 5 kilometer permanent danger zone sang Kanlaon para sa mga vegetable farmers sang Purok 2, Brgy Cabagnaan sa banwa sang La Castellana.
Pila sa ila nga ani amo ang mga kamatis kag pedada.
Damlag pa sa Mansalanao, sa La Castellana, gintugutan man ang pag tapas sang mga tubo.
“Lately gin-require na namon, kay hambal naton gusto naton i-improve na ang monitoring sang naga sulod kag naga gwa within the 4 to 6 km danger zone, gina require na naton ang mga checkpoints nga mag submit report daily sang pila naga sulod kag pila ang naga gwa. So far accounted naman tanan ang naga sulod kag naga gwa, bisan ang naga tapas sang tubo”, suno kay Sermeno.