
Bitbit ang mga catch net nanglagas kag nangsikop sang mga layaw nga ido ang katapo sang City Veterinary Office sa kilid sang dalan sa Burgos Market.
Humalin sang Enero 1, may 67 na tanan ka mga layaw nga ido ang na-impound sa sulod sang Bacolod City Pound.
Ginpahayag ni Asst. City Veterinarian Dr. Jec Cabuguason nga nagsobra na sa isa ka gatus ang mga na-impound gani ginapaabot nila nga i-claim sang mga pet owners ang ila mga hinuptanan nga na-impound.
Ginasapopo sang siudad ang mga layaw nga wala sang mga nagapanag-iya, ang iban gina-adopt sa bulig sang mga animal rights advocate group.
Ang anti-stray operation kabahin sang tikang sang city vet agud nga mapahagan-hagan ang kaso sang rabies kag mapaiway ang kaso sang mga layaw nga ido nga naga kabungguan sa dalan.