Gallego-Ledesma tandem ang mapaabot sa Silay City sa 2025 nga piniliay.
Suno kay Silay City Mayor Joedith Gallego, iya nga mangin kaupod sa 2025 Elections si Vice Mayor Tom Ledesma. Sa interview naman sang media kay Ledesma, iya gin-siling nga may posibilidad ang Gallego-Ledesma tandem, malayo pa man ang piniliay suno sa iya. Gin-announce na sang Team Asenso Silay ang Golez-Gamboa Tandem nga nagakasayuran nga si anay Mayor Mark Golez kag Councilor Ryan Gamboa ang maga challenge kanday Mayor Gallego kag Vice Mayor Ledesma nga pareho nagkumpirma nga maga pa re-elect. Para kay Gallego kinamatarung man sang bisan sin-o ang mag papili.
“Ila man na ya. Derecho man na nila”, suno kay Gallego.
Para kay Ledesma para man ini sa kaayuhan sang mga Silaynon gani ang mga pumuluyo na ang maga desisyon.
Katapo sang Partido Federal ng Pilipinas si Gallego kag wala sang local party. Si Ledesma naman ang nag-resign sa PDP Laban kag katapo sang Team Asenso Silay tubtob sa karon.
Suno kay Gallego may walo na sila sa ila nga line-up para sa konseho, apat diri mga incumbent councilors. Suno naman kay Acting Governor Jeffrey Ferrer nga amo ang presidente sang United Negros Alliance kun ano ang gina-suportahan ni Governor Eugenio Jose Lacson nga katapo sang Love Negros amo man ang ila nga suportahan dala sang coalition sang duha ka grupo.
“For the good of Silay, let the people decide. For the people to have a decision may pilian man bala.
(Ang Gallego-Ledesma nga tandem nahuman na?) possible”, suno kay Ledesma.