Gin request sang defense team ni Vice President Sara Duterte ang Bacolodnon nga si Atty. Ralph Sarmiento nga mag-testify para sa impeachment proceedings kay Vice Presidente Sara Duterte sa Nobyembre 9.
Hwebes sang aga sa isa ka video post sa iya nga Facebook account, gin anunsyo ni Sarmiento nga indi na siya madayon sa pag pungko bilang witness sa nagapdayon nga impeachment trial.
Nagpasalamat siya sa defense team sang bise president sa pagkilala sa iya constitutional kag legal views nga gina post niya man sa iya nga social media account.
Ugaling suno kay Sarmiento nga wala niya ginapaabot nga mangin potensyal ini nga kabahin sang impeachment proceedings.
Matapos nga gin pamensaran, nagdesisyon siya nga indi na magdayon bilang witness. Ang ini nga personal nga desisyon ang para mapangapinan ang iya panindugan bilang independent kag wala sang may ginapangapinan nga kampo.
Gin-hinyo niya na sa defense team nga i-withdraw ang ila nga request para isubpoena siya nga magpungko bilang witness kag kun may subpoena na gid man, i-bawion na lamang ini.
Gin respeto naman sang defense team ang iya nga desisyon.
Nagapanindugan siya nga padayon siya nga magabulig sa pag paathag sa publiko sa konstitusyon pinaagi sa iya independent kag balanse nga legal analysis.
[sibwp_form id=1]