Show cause order ipang issue sang LTFRB sa linibo ka mga unconsolidated nga mga traditional jeepney sa Bacolod.
Mayo 1 pa sang ginkabig nga colorum ang mga traditional jeepney nga wala nagpaidalom sa franchise consolidation sa ginapatuman nga public utility vehicle modernization program sang Department of Transportation.
Sa Bacolod, indi magnubo sa 3,000 ang mga traditional jeepney nga karon issuehan sang show cause order sang Land Transportation Franchising and Regulatory Board.
Ginsiling ni LTFRB VI OIC Atty. Salvador Altura, ang show cause order ang mangin basehan agud ma issuehan sang citation ticket ang mga madakpan nga colorum vehicle.
Ginklaro ni Altura nga wala nagakasayuran nga pwede makabyahe ang mga traditional jeepney nga na issuehan sang show cause order bangud kutob lamang sa mga na-issuehan sang QR coded sticker nga mga traditional jeepney nga consolidated ang ginapahanugutan magbyahe.
Sa karon may masobra na sa 600 ang natalana issuehan sang stickers sang Bacolod LGU matapos nga naka pa validate sang application for consolidation sa LTFRB.
Ang pagpanakop sang colorum vehicles ang gintugyan na sang pamunuan sang LTFRB regional office sa Land Transportation Office.