Ginsiling ni Bago Mayor Mayette Javellana-Yao, nga nalakip sa mga proyekto para sa P100 million amo ang pag kaayo sang mga taytay nga naguba sang mag laslas ang bagyo Tino. Tatlo ka taytay ang naguba sa bago sang mag igo ang bagyo suno kay Javellana-Yao.
Nalakip man diri ang pag kaayo sang pila ka mga building kag facilities.
Sa isa ka seremonya sa Malacañang sini nga adlaw gin-release ang pondo sa idalom sang Disaster Rehabilitation and Reconstruction Assistance Program sa mga LGU nga apektado sang kalamidad.
Sa Negros Occidental P665 million ang kabilugan nga pondo nga na-release sang 11 tanan ka mga LGU.
Suno sa alkalde personal siya nga nag sulat man sa Malacañang nga indi maka tambong bangud sang selebrasyon angut sa 128th al Cinco de Noviembre. Indi lamang ang pag angkon sang kahilwayan ang gina handuraw sang Bago subong suno kay Javellana-Yao kundi gina saulog ang liwat man nga pag bangon sang siudad sa tunga sang pag panghangkat sang paglupok sang bulkan Kanlaon kag pag igo sang Bagyo Tino sa ila sang nag ligad lamang nga tuig. Padayon sila nga naga laum sang pag sanyog sang ekonomiya sa siudad sa iya nga panghimanwa.
[sibwp_form id=1]