Target sang Bureau of Soils and Water Management nga makapatuman sang cloud seeding operation sa masunod nga semana. Para naman sa pamuno sang UNIFED better late than never ang pagpatuman sang cloud seeding.
“Batunon ta na lang bisan nga late na. Better late than never. Patay na ang kabayo before naka abot ang kumpay”, suno kay Lamata.
Suno kay Engr Albert Barrogo ang Assistant Regional Director sang Department of Agriculture subong nga adlaw nagpatigayon sang negotiated procurement sang BSWM. Target nila nga mahuman ang emergency procurement sini nga semana agudto suno kay Barrogo base sa impormasyon sa ila sang BSWM makasugod na sila sang ila na cloud seeding operation sa masunod nga semana. Suno kay UNIFED President, Manuel Lamata iya nga gintanyag ang iya nga eroplano para sa cloud seeding bangud naga papangita ang ahensya sang magamit nga eroplano. 600 million pesos ang budget sang DA para sa cloud seeding sa bilog nga rehiyon. Para kay Lamata incompetent ang BSWM kag nagpanawagan siya sang abolition sini. Marso pa siya naghinyo sang cloud seeding para kuntani makahatag alibyo sa pananum.
“Grabe gid ya ka incompetent. Incompetent and stupid. Ang nainitan ko gid is their statement that it will damage their mango plantation. Ina ya that is unacceptable. Palabi nila ang mango nga pila ka nahot. Against a 100 million industry na sugar”, suno kay Lamata.
Daku na ang kahalitan nga natuga, pero ang ulan gikan sa cloud seeding nga patigayunon ang makabulig pa man sa nabilin pa nga pwede maluwas kag makabulig sa bag-o nga cropping. Sang Abril wala gin-recommend sang BSWM ang cloud seeding bangud sang kakulang sang seedable clouds kag moisture. Gina lantaw ni Lamata ang 20 percent reduction sa production sa masunod nga crop year.
“Cloud seeding is not useless because we need rain para nga whatever remains, may green pa gamay maka recover. Plus we need rain nga mabasa ang soil for the new plant”, suno kay Lamata.