Balita Hiligaynon

Tanan nga talatapan sang Commission on Elections ang sirado Abril 1 tubtob 5 may kaangtanan sa Semana Santa. Ini base sa memorandum nga gin-issue sang Office of the Executive Director. Ini ang ginapatuman para man mahatagan sang ligwa ang mga personnel sang COMELEC sa pag dumdom sang Semana Santa kag mahatagan man sila sang nagakaigo nga tion nga maka pauli sa tagsa nila ka probinsya.Suno sa COMELEC maga-resume ang regular operation, April 6, Lunes nga adlaw.Sa pihak nga bahin nagapadayon karon ang voter’s registration.Sa March 14 nga datus mga gin-release sang COMELEC NIR, nagdangat sa 155,823 ang mga na process nga application.105,641 ang gikan sa Negros Occidental, 47,550 naman ang gikan sa Negros Oriental kag 2,632 ang gikan sa Siquijor.Tubtob sa bulan sang...

Nagkala-ula sa dalan ang karga nga mga box sang bangrus matapos maglapaw kag makabunggo sa mga poste kag puno sang mangga ang 6-wheeler delivery wing van sa Purok Taytay, Barangay Oringao sa Kabankalan City, Huwebes sang gab-i.Hana kuntani nga mag-overtake ang wing van sa ginasundan nga Ceres bus sang gulpi lang may naglusot nga pickup truck sa kurbada nga bahin sang highway, rason nga ginhawig pabalik ang manubela sang driver nga si alyas “Tisoy”.Ugaling, nagbalang-balang ang wing van, nagdiretso sa higad sang dalan tubtob nakabunggo sa duha ka mga poste kag sa kahoy.Nakalumpat ang driver kag pahinante. Sila ang nakaangkon sang minor injuries lamang.Gikan sa Mabinay, Negros Oriental ang wing van kag padulong kuntani sa banwa sang Valladolid, Negros Occidental agud ibaligya...

Ginserbehan na sang notice to voluntarily remove illegal structures ang masobra sa 80 ka mga balay nga nahamtang sa Mambuloc Creek sa Barangay 10 sa Bacolod City. Ini bangud nga nagakabudlayan ang Department of Public Works and Highways sa pagpadayon sang dissilting sa creek bangud ang mga structures sang amo nga balay ang nagalambot na sa alagyan sang tubig. Ginsiling ni Retired Police Colonel Levy Pangue, pamuno sang City Legal Office Enforcement Team nga sa mga gin-issuehan notice, may isa gid ka balay yara na mismo sa tunga gid sang creek napahamtang.Ginklaro niya, nga ang mga extensions lamang sang mga balay ang ginapakuha sang DPWH. Sandig sa notice sang DPWH, kinahanglan nila nga mapalos gilayon ang mga structure nga nagabalabag sa alagyan sang tubig s...

Isa ka building nga may duha ka mga classrooms ang nasunog sa Inayawan Central Elementary School sa banwa sang Cauayan, Negros Occidental, pasado las 3 sang kaagahon sang Hwebes.Ang nasunog nga classrooms ang ginagamit sang Kindergarten class. Isa ini ka separado nga building, may duha ka classrooms kag plywood ang partition.Nagdangat sa P300,000 ang kahalitan sang sunog.Masobra isa ka oras ang fire fighting operations sang mga bombero tubtob nagdeklarar sang fire-out las 4:49 sang kaagahon.Sa karon, under investigation pa ang gintunaan sang sunog.

Nasapwan ang bangkay sang gin-alegar rebelde sa Sitio Angalan, Barangay Macagahay sa banwa sang Moises Padilla, matapos ang nagluntad nga engkwentro sa Barangay Trinidad, Guihulngan City sa Negros Oriental.Ginkilala ang napatay kay alyas “Pagat”, residente sang Brgy. Trinidad. Siya ang gina-alegar miyembro sang Central Negros 1.Martes sang aga, nagluntad ang engkwentro sa tunga sang katapo sang 62nd Infantry Battalion kag gin-alegar katapo sang New People’s Army sa boundary sang Sitio Angalan kag Brgy. Trinidad.Miyerkules sang hapon, nasapwan ang bangkay sang gin-alegar rebelde.Suno sa report, naglawig sang duha ka minutos ang engkwentro.Narekober sa encounter site ang isa ka KG9 semi-automatic pistol, duha ka magazines, mga bala kag duha ka empty shells sang 9mm.

Gin-aprobahan na sang Bacolod City Council ang special permit nga ginapangayo sang 31 ka mga vendors nga may mga baligyaan sa kilid sang dalan sa Barangay Alijis. Paagi sa permit, ginatugutan ang mga vendors nga magtinir sa amo nga lugar sa sulod sang tatlo ka bulan. Ginsiling ni Retired Police Colonel Levy Pangue, pamuno sang City Legal Office Enforcement Team, gin-aprobahan ang amo nga permit bangud naga-ayo ang mga vendors bangud may ginapaabot pa ang mga ini nga festivals lakip na ang 30th Panaad sa Negros Festival.Suno sa ila, yawat pa ang amo nga mga selebrasyon agud makabulig sa ila nga makabenta antes sila maghalin sa ila pwesto. Wala man sang pampubliko nga merkado ang Barangay Alijis. Una na nga ginahaylo sang siudad ang tagpamunuan sang am...

Magasugod na sa masunod nga school year ang three-grading period system sang Department of Education. Ini matapos nga ginpirmahan na ni President Ferdinand Marcos Jr. ang pagbag-o nga ginduso sang DepEd kag Social Development Committee-Cabinet Level.Sa idalom sang sini nga polisiya, indi na apat ka examinations ang pagahandaan sang mga estudyante sa elementary kag high school levels, kundi tatlo na lamang. Tuyo sini nga mahatagan ang mga estudyante sang mas nagakaigo nga learning period, bangud nagadamo man ang number of days nga gina-suspend ang klase bangud sa malain nga tyempo kag holidays.Suno sa DepEd, ang amo nga mga hitabo nagatuga sang delay sa mga exams sang mga estudyante.Ini man ang magahatag sang eksakto nga tion sa mga manunudlo nga maghanda sang ...

RDRRMC NIR Response Cluster nag-convene sang Hwebes, Marso 19 OCD NIR photoAng response cluster sang Regional Disaster Risk Reduction Management Council NIR ang nag-convene sa tuyo nga mas mapabakod ang coordination kag mapasiguro ang kahandaan angut sa sitwasyon sang bulkan Kanlaon sa karon.Suno kay Office of the Civil Defense NIR Director, Donato Sermeno, III, nga amo man ang chairperson sang RDRRMC, sila ang nagsapol sang Hwebes upod sa DSWD nga amo ang vice chairperson para sa response cluster upod kay Maria Antonia Bornas, ang chief sang Volcano Monitoring and Eruption Prediction Division sang PHIVOLCS.Ginatutukan karon ang activities sang bulkan Kanlaon kasunod sang tatlo ka moderately explosive eruption sini sa sulod sang halos isa ka bulan lamang.Suno kay Sermeno, a...

Kapin sa 17 ka mga Community Fire Auxiliary Group ukon CFAG ang nagpakigpabahin sa pinaka una nga Mayor Greg Gastaya Fire and Rescue Olympics sini nga Hwebes, Marso 19, sa Bacolod City Government Center Grounds.Ginpangunahan sang Bureau of Fire Protection -Bacolod City ang amo nga aktibidad bilang kabahin man sang pagsaulog sang Fire Prevention Month.Lima ka CFAG ang nag-intra sa idalom sang Barangay Category, lima man ang sa company category, kag pito ang sa school category.Ang mga kompetisyon ginalakipan sang fire hose relay, bucket relay, tug of war, kag emergency situation response. Ang mga madaog sa tagsa ka category ang mangin tiglawas sang siudad sa provincial level sa masunod nga tuig.Ginsiling ni Deputy Chief Fire Inspector Jemarie Tapiru, tuyo sang sini nga kompetisyon ng...

Kaupod ni Bacolod Rep Albee Benitez nga na elect bilang Deputy Speaker amo sanday Pangasinan Rep Maria Rachel Arenas kag Cebu Rep Vincent Franco Frasco.Sa 1st regular session sa House of Representatives, gin-nominate ni Majority Floor Leader Ferdinand Alexander “Sandro” Marcos sanday Benitez, Arenas, kag Frasco.Ang motion gin-aprubahan ni Speaker Faustino “Bojie” Dy III nga amo ang nag-preside sa session matapos nga wala sang may nabaton nga objection.Bilang sabat, sa isa ka statement ginsiling ni Benitez nga iya ginabaton ang responsibilidad kag nagpasalig siya sang pagserbisyo sa mga Pilipino.Ginpasalamatan man ni Cong. Benitez ang iya mga kaupdanan sa House of Representatives, kag si Dy sa pagsalig sa iya.Ginapasalamatan niya man ang iya mga kaupod sa ...