Nagapangabay sa publiko si Bacolod City Mayor Greg Gasataya nga likawan ang pagbalandra sa social media sang itsura sang mga kabataan sa dalan.
Ini matapos nga ginsiling sang Department of Social Services and Development nga isa sa mga bata nga nakuhaan sang video sa North Capitol Road kaupod sang mga naga singhot sang solvent ang indi na mag-eskwela bangud nahuya ini.
Suno sa DSSD, wala man naga singhot sang solvent ang amo nga bata, apang nahuya na ini mag-attend sang iya klase bangud sa nag-viral nga video.
Bangud sini, ginahingyo ni Gasataya ang publiko nga sigurohon nga validated ang impormasyon nga ila nahibaluan antes mag post sa social media.
Dugang pa niya, kon indi malikawan ang pagpost, sigurohon man nga natabunan ukon naka-blur ang mga itsura sang mga menor-de-edad.
Damlag pa, ang mga kabataan nga nakita sa amo nga video ang ginpangbalik na sa ila nga mga ginikanan, base sa layi.
[sibwp_form id=1]