Balita Hiligaynon

Sa kapin 6,200 ka mga tricycle drivers sa siudad sang Bacolod nga nakaparehistro sang tinalikdan nga tuig, 2,700 palang ang tigayon nga naka-renew sang ila permits.Ini ang base sa record sang Business Permits and License Division sang siudad.Ginsiling ni Mayor Greg Gasataya nga ginapaabot pa nga magsaka ang kadamuon sang maga-renew sang ila permits bangud sa ginapaabot nga ayuda gikan sa Department of Social Welfare and Development.Sandig sa mando sang DSWD, kinahanglan nga rehistrado ang isa ka drayber antes ini maka avail sang ayuda sa idalom sang Assistance to Individuals in Crisis Situation.Nagpasalig man ang alkalde nga handa ang siudad maghatag sang certification sa mga drivers nga wala pa maka renew sang ila permit, kun pangitaon ini sang DSWD.Sini nga hapon nakigsapol ang...

Gina klaro sang Land Transportation Franchising and Regulatory Board nga may yara sang pagsulundan ang ila nga talatapan bahin sa releasing sang fuel subsidy para sa mga drayber sang pampubliko nga salakyan.Sa tunga sang mga reklamo nga wala sila malakip sa listahan sang mga makabaton, suno kay Atty Gerry Llena ang Director sang LTFRB NIR dapat na-rehistro ang salakyan kag may yara sang prangkisa.Kun wala man sang prangkisa dapat may yara sang provisional authority. Isa ka unit kag isa ka drayber man dapat. May iban suno kay Llena duha ang naka lista sa isa ka unit.Sa Bacolod City may masobra sa 1,000 ka mga jeepney drivers and operators suno kay Rudy Catedral, presidente sang transport group nga BACOD-Manibela.382 diri ang mga drayber kag operator nga may yara sang provisional aut...

Subong nga adlaw ginpatuman ang halos P17 nga dugang pa gid nga saka sa kada litro sang diesel kag halos P10 naman ang sa gasoline.Gani kun libuton ang mga gas stations sa Bacolod naga range sa 118 pesos tubtob 125 pesos na ang litro sang diesel samtang ang gasoline naman yara sa P93-98 pesos ang litro.Ang Department of Energy nagpasalig nga may yara pa sang supply sang diesel ang mga petroleum companies sa Pilipinas para sa 45 ka adlaw kag supply sang gasoline para sa 53 ka adlaw.Ginakwestyun karon sang netizens kun ngaa grabe ka dako sang deperensya sang bili sang produkto petrolyo sa Pilipinas kun ikumpara sa neighboring countries parehos sang Thailand.Suno sa kay DOE Secretary Sharon Garin, ini bangud may subsidy ang gobyerno sang iban nga pungsod sa pagbakal sang produ...

Indi na mabatyagan ang matugnaw nga dapya sang hangin kag ini ang preparasyon na para sa warm and dry season ukon mainit nga panahon.Suno sa PAGASA, nag-shift na ang dapya sang hangin halin sa northeasterly pakadto sa easterly dala sang high pressure area sa Northwestern Pacific. Ini ang sinyales nga natapos na ang northeast monsoon ukon hangin nga Amihan.Pero may posibilidad sa gihapon nga may mga areas sa Northern Luzon nga maka eksperyensya kun kis-a sang northeasterly winds kag mga posibilidad man sang pag ulan kag panaguob.Gani ang publiko ang ginapaandaman nga likawan ang pagbulad sa init kag mag kinot sa tubig.

Isa ka hold up suspect ang nadakpan, samtang nakapalagyo ang tatlo niya ka mga kaupdanan matapos siya ang ginlagas kag ginbungguan sang awto sa national highway sang Barangay Sum-ag, Bacolod City, Biyernes sang gab-i.Suno sa Bago PNP, sakay sa duha ka mga motorsiklo ang apat ka mga persona sang ila ginhold-up ang isa ka estudyante sa Purok Paho, Bago City. Ila nakuha ang bag kag tablet sang estudyante.Ginlagas sang paryente sang biktima, sakay sa awto, ang mga suspek kag ginbungguan ang isa ka motor.Ang isa sa mga suspek ang nalipong kag nakaangkon sang mga samad sa lawas. Siya ang gindakop sang katapo sang Bacolod City Mobile Force Company nga nagapatigayon sang checkpoint sa unhan kag ginturn-over sa Bago PNP.Narekober sa iya ang tablet kag bag sang biktima, pati na ang isa ka Ho...

3 ka mga anggulo ginalantaw sang kapulisan sa pagpatay sa community broadcaster sa La Castellana.Padayon nga nagapangita sang CCTV videos kag mga saksi ang kapulisan agud makilal-an ang nagpatay sa community broadcaster sa Sitio Kawayanan, Barangay Robles sa banwa sang La Castellana sadtong Biyernes.Nagatindog sa gwa sang ila balay, sa higad sang dalan ang biktima nga si Julito Calo sang nagpondo ang isa ka SUV kag gintiro siya. Nagpadulong ang SUV sa proper sang La Castellana.Magluwas nga naga-host si Calo sa programa nga “Waswasanay sa Quinto Distrito” sa DNN News FM sa Himamaylan, siya ang isa man ka job order worker sang Himamaylan City LGU. Ang iya live-in partner ang taga La Castellana, rason nga didto siya nagapauli.Sandig sa records sang PNP, naka-agi dakop sa drug buy-bust...

Patay ang tatlo ka mga rebelde sa nagluntad nga engkwentro sa Barangay Tampalon, Kabankalan City, las 4 sang kaagahon sang Sabado, Marso 21.Naglawig sang duha ka minuto ang pagbayluhanay sang lupok sa tunga sang katapo sang 47th Infantry Battalion kag kapin pito ka mga New People's Army.Ginkilala ang mga napatay nga sanday alyas "Gorting", 29-anyos, nga amo ang squad leader, alias "Makoy/Akiro", 26-anyos kag alyas "Junjun/Cairo", 21-anyos.Ang mga napatay ang ginatudlo nga nagpatay sa 74-anyos nga si alyas Leonora sa Brgy. Tapi, Kabankalan City, kag pila pa ka mga sibilyan, pati na ang pagpangsunog sa sur nga bahin sang Negros.Narekober sa encounter site ang lima ka high-powered firearms, isa ka granada, personal nga pagkabutang kag mga dokumento.Sa statement sang Armando Sumayang...

Nagdangat na sa 16 ka mga Bacolodnon Overseas Filipino Workers ang nagpangayo bulig sa siudad nga makapauli bangud sa nagapadayon nga ginamo sa Middle East.Ginsiling ni Atty. Mark Mayo, City Administrator, nga may ara na sang masobra sa 160 ka mga concerns ang napadangat sa Help Desk sang siudad. Kapin sa 10 percent lamang diri ang nag-request sang repatriation.Suno sa iya, kadam-an sang mga concerns amo ang nagapangayo sang bulig pinansyal bangud may kabudlayan ang ila himata sa luwas nga magpadala sang kwarta.Gilayon naman nga ginpadangat sang lokal nga panguluhan ang 16 ka mga OFW nga nag request sang repatriation sa Department of Migrant Workers.Isa sa mga nag request sang repatriation amo ang isa ka babaye sa Bahrain nga may ara sang cancer kag nakontak na ini sang DMW.Nagpa...

Matapos ang aksyon protesta sa dalanon, sa Bacolod City Government Center nagrekta ang mga drayber para mag ayo sa alkalde nga buligan sila nga mabutang ang ila nga mga ngalan sa listahan sang makabaton sang ayuda.May report si Richard Caballero.*

Mga pasahero ginbudlayan sa pagkadto sa opisina kag eskwelahan kaina sang aga bangud sang untat biyahe sang traditional jeepney.Mga wala nag upod sa transport strike ginpangabay nga updan ang kawsa.Ini ang pamaagi sang mga drayber nga ipanawagan sa gobyerno nga kuntani tanan makabaton sang ayuda.May report si Romeo Subaldo.*