Ginapasabat sang Land Transportation Office ang SK secretary nga amo ang driver sang motorsiklo nga nakabunggo sa mag-asawa nga senior citizens sa atubang sang Corazon Locsin Montelibano Memorial Regional Hospital sa dalan Lacson, Bacolod City sang Huwebes.
Nagresulta ang insidente sa kamatayon sang 63-anyos nga babaye kag pagkasamad sang iya 73-anyos nga bana.
Bag-o lang gid discharge sa ospital ang asawa nga napatay.
Nagatabok ang duha ka tigulang sa pedestrian lane halin sa ospital kag sang yara na sa tunga sang dalan, sila ang ginbunggoan sang motor, ginamaneho ni alyas “Zyrll”, 24-anyos.
Ginserbe sang LTO-Negros Island Region ang show cause order sa balay sang rider sa Brgy. 9 sa Bacolod kag ginbaton ini sang iya amay tungod ang respondent ang yara karon sa ospital upod ang iya backrider matapos makaangkon man sang mga pilas.
Bilang kabahin sang administrative proceedings, ginkumpiskar sang Intelligence and Investigation Unit sang LTO ang driver’s license sang rider.
[sibwp_form id=1]