Nagdangat sa 126 ka mga electric bikes nga nagabyahe sa Bacolod City ang gin-impound sang Bacolod Transport and Traffic Management Department humalin Hunyo 1 tubtob Hunyo 25.
Ini bangud ginakabig sang BTTMD nga colorum ang mga e-bikes sa Bacolod bangud wala sila sang mga business permits.
Natukiban man nga wala pa sang regulation ang siudad para sa mga e-bikes, rason nga wala man naga-issue sang business permits ang siudad sa ila.
Ginsiling ni Atty. Reuben Sabig, pamuno sang BTTMD nga may isa ka ordinansa ang siudad nga naga regulate lamang sang mga e-trike apang wala pa ang para sa e-bikes.
Dugang niya, dakpon lamang nila ang mga ini kon mapamatud-an nga nagakuha sila sang pasahero apang ang mga private nga e-bikes ang wala man ginadakop.
Kun ma impound ang isa ka e-bike, sarang man ini mabawi sang tag-iya kon makabayad ini sang kapin 3,000 pesos nga multa.
Suno kay Sabig, wala ginakilala sang siudad ang permit nga ginahatag sang barangay sa mga drayber sang e-bikes.
Tubtob wala pa sang regulation ang siudad para sa mga e-bikes, makabig ini sila nga colorum sa gihapon.
[sibwp_form id=1]