Balita Hiligaynon

Nagresulta sa anum ka mga persona nga pilason ang head-on collision sang motorsiklo kag tricycle sa A.E. Marañon Street, Poblacion 2 sa Sagay City sang Lunes sang gab-i.Nag-gwa sa imbestigasyon nga pakadto sa proper sang Sagay ang motor nga ginamaneho ni alyas “Beltran”, sang madulaan siya sang kontrol kag nakabunggo sa nasugata nga tricycle.https://youtu.be/9Q6D1UCl8Rk?si=CTqNmT5qfkvnm6VqAng tricycle, ginamaneho ni alyas “Rene” kag may apat siya ka mga pasahero nga estudyante.Bangud sang impact, naka agum sang mga pilas ang duha ka mga driver kag ang mga pasahero.*

Patay ang isa ka lalaki matapos mabun-an sa bisperas sang kasal sa Sitio Santos Santos, Barangay Quintin Remo sa banwa sang Moises Padilla, pasado las 12 sang kaagahon sang Miyerkules, Marso 18.Nagasa-ot ang 56-anyos nga biktima sang nag-abot ang hubog nga suspek kag siya ang ginbuno sang patalom sa dughan.Nalagyo ang suspek nga ginkilala kay alyas “Geri”, residente sang Brgy. Quintin Remo.Ginsiling ni Police Major Ryan Villasario, hepe sang Moises Padilla PNP, ang suspek kag biktima ang may mga daan na nga aligotgot sa isa kag isa.*

Halos P1.1 billion na ang na-release sang Department of Social Welfare and Development sa mga apektado sang bagyo Tino sa idalom sang emergency cash transfer sa Negros Island Region.Suno kay Arwin Razo ang regional director sang DSWD NIR, gina kumpleto na lamang nila ang releasing para sa unclaimed ukon yadtong mga benepisyaryo nga napaslawan sa pag claim sang ila nga assistance.Ginatinguhaan nila nga ma kumpleto na ang releasing sini nga semana.Suno ni Razo, ini para man maka handa man sila sa tion nga magasugod naman ang releasing sang subsidy sa mga apektado nga public utility drivers.Wala pa sila maka baton sang abiso angut diri. Una nga rollout pa lamang sa National Capital Region.Nagahulat sila nga ma cascade man sa ila ang mga guidelines angut sa amo nga payout sa mga rehi...

Ginsiling ni Police Captain Dax Santillan, spokesman sang Bacolod City Police Office nga duha ka anggulo ang ginatan-aw sang kapulisan nga motibo sa pagpatay kay alias "Welthon" nga taga Barangay Tangub, Bacolod City. Nasapwan ang biktima sa Bangga Adam, Barangay Pahanocoy nga nagahapa, may mga pilas kag wala na sang kabuhi sang Marso 5.Sa imbestigasyon sang kapulisan, posible nga isa sa mga suspek ang ex-partner man sang ka live-in sang biktima bangud may daan sila nga inaway. Suno kay Santillan, indi lamang isa ka suspek ang nag-obra sang krimen. Ang suspek posible nga may upod pagid nga iban. Ang tanan nga persons of interest nga ginatudlo sang BCPO ang lunsay mga taga Bacolod. Sa karon nagapangita nalang ang kapulisan sang dugang pa gid nga ebide...

Nakapadala na sang iya sabat ang rider nga nakuhaan sang video nga nag ala superman samtang naga sakay sa motorsiklo sa highway sang Don Salvador Benedicto.Naga hapa siya sa pulungkuan sang motor samtang naga dalagan ini kag nakuhaan ini sang video sang content creator nga si Trip ni John.Gin-updan sang iya amay ang menor de edad nga nagpadulong sa talatapan sang San Carlos City LTO.Ang iya nga sabat ang ipadala sa LTO-NIR Regional Office sa Bacolod City para sa evaluation kag sa aksyon nga pagahimuon sang ahensya.Sa verification nga ginpatigayon sang Land Transportation Management System, wala man sang driver's license ang rider nga isa ka minor sang tion nga natabo ang insidente.Ginsulit sang LTO nga ang ano man nga stunts nga magabutang sa delikado nga sitwasyon sa r...

Gin anunsyo na subong nga adlaw ang saka sa plete sa depasahe nga salakyan. Ginsugata naman ini sang aksyon protesta sang transport sector kaupod ang progresibo nga mga grupo.May report si Romeo Subaldo.*

May mga ginpadangat nga concerns sa siudad nga naga-alegar may hoarding sang produkto petrolyo, pero wala sang verified cases sang hoarding.Ini ang assessment sang fuel price monitoring teams sa una nga adlaw nga naglibot sila sa mga gasolinahan sa siudad.Ginsiling ni Atty. Marty Go, Secretary to the Mayor, nga may mga na-report lang sa ila nga may mga konsumedor nga nagabitbit sang drums kag dalagko nga containers kon magbakal sila sang gatong.Apang, pagklaro sini, sa ila na submit nga report kahapon nga adlaw, wala sang may na verify nga naga-hoard.Sandig sa pagsulundan sang Department of Energy, ang pagbakal sang gatong gamit ang portable containers ginatugutan lamang para sa mga agricultural, sea transportation, kag mga essential nga pag-gamit.Ang nagabakal gamit ang mga dala...

Nag-sugod na subong nga adlaw ang tag-taganay sang 5,000 pesos nga fuel subsidy sa mga qualified nga driver sa National Capital Region sa idalom sang Assistance to Individuals in Crisis Situation bilang bulig sa kabudlayan sang mga transport workers sa pagtimbook sang presyo sang gatong.Apang, ang Department of Social Services and Development sa siudad sang Bacolod ang wala pa sa gihapon sang may nabaton nga mando kag wala paman sang may ginhatag nga pondo ang gobyerno nasyonal.Ginsiling ni Richelle Verdeprado-Mangga, pamuno sang DSSD nga nagahulat pa ang DSWD-Negros Island Region sang pondo kag nagapasalig naman ini nga kun may ara na sang pondo, gilayon nga maga-apply ang siudad sang Bacolod agud mahatagan sang fuel subsidy ang mga Jeepney drivers.Dugang pa niya, may pagsulundan na...

Ang ikatlo nga moderately explosive eruption sang bulkan Kanlaon consistent lamang sa activities sang bulkan nga napaidalom sa Alert Level 2. Ini suno sa pamuno sang PHIVOLCS nga nag siling man nga wala pa nila gina consider ang pag pasaka sa Alert Level 3, pero ang mga pumuluyo ang dapat mag pabilin nga handa.Wala pa magsumad ang isa ka bulan, makatlo ka beses nga naglupok ukon may moderately explosive eruption ang bulkan Kanlaon - ang una sadtong February 19, nga gin sundan naman sadtong February 26 kag ang ulihi sadtong Domingo, March 15.Suno kay PHIVOLCS Director, Teresito Bacolcol, sa idalom sang alert level 2 paabuton gid man ang kasubong nga mga activity gikan sa Kanlaon. Sa karon suno sa iya wala pa nila gina consider ang pag pasaka sa Alert level 3 sang bulkan.Pero, ang mga ...

Ginlamon sang kalayo ang kapin walo ka ektarya nga katubohan sa Hacienda Constancia, Barangay 5 sa banwa sang Isabela, Domingo sang gab-i.Suno sa Hacienda Administrator, ginabulubanta dos milyones pesos ang balor nga kahalitan sang sunog.Masobra isa ka oras kag napalong ang kalayo.Suno sa BFP, madasig nga naglapta ang kalayo bangud sang mabaskog nga huyop sang hangin.May pila ka mga residente ang naghingagaw tapas sang tubo malapit sa mga pamalay bilang pagpangaman.Sa karon, nagapangita pa sang mga saksi kag padayon pa ang imbestigasyon sang Bureau of Fire Protection sang Isabela sa kun ano ang gintunaan sang sunog.Standing crop kag wala pa ma-harvest ang mga nagkalasunog nga tubo.*