Balita Hiligaynon

Tatlo na ka mga LGU ang naga abiso sa ila pumuluyo nga likawan anay ang pag bakal kag pagkaon sang aloy kasunod sang gin-report allergic reactions sa mga nag kaon sini.Bureau of Fisheries and Aquatic Resources ang naga panawagan sa mga vendors nga likawan ang pag baligya sang lub-ok ukon indi na preska nga isda para mapangapinan man ang mga konsumedor.Padayon man ang pag pangusisa sang BFAR angut sa kaso sang nabaligya nga aloy sa Cadiz City nga nag tuga sang allergic reactions sa mga nag kaon sini.Suno kay Rene Parreño ang OIC-Regional Director, sa ila inisyal nga pag pangusisa gikan sa Antique ang natungdan nga aloy kag ginbakal sang duha ka mga grupo kag gin-deliver sa nag kalain-lain nga lugar sa Negros Occidental.Nag random sampling naman ang BFAR sa mga bag-o nga na d...

Maayo nga sinyales ang ceasefire sang Estados Unidos kag Israel kasunod sang payahag ni US President Donald Trump nga nagsugot siya sang duha ka semana nga pag untat sang away sa Iran.Ini ang pag pati ni Governor Eugenio Jose Lacson nga naga laum kag naga panawagan sang pangamuyo nga tayuyon na nga mauntat ang gamo sa Middle East.Pero naga pati man si Lacson nga kun mauntat na gid man ang gamo, madugayan pa ang pag balik liwat sa normal ang presyo sang produkto petrolyo.Ini bangud madamo pa sang dapat nga kalay-uhon nga natuga sang pag ginamo.Gani indi man mapaabot ang gilayon nga pag balik sang daan nga presyo sang produkto petrolyo.Samtang, ginalantaw man ni Governor Lacson nga mag pa gwa sang Executive Order nga maga patuman sang pag dumili sang non-essential travel....

Sa Bacolod City isa ka senior citizen ang gintabangan kaina samtang naga pila sa payout sang ayuda.Masobra sa 3,000 ka mga tricycle drivers ang nagbaton sang ayuda subong nga adlaw.May report si Richard Caballero.*

Patay ang tricycle driver matapos ginbuno sang duha ka mga suspek sa Purok Malipayon sa Barangay San Jose sa Sipalay City, Lunes sang gab-i.Nagkunsabo ang duha ka suspek nga sanday alyas “Jansel” kag alyas “Roben” agud bun-on ang biktima nga si alyas “Michael”. Tanan sila ang pareho residente sang Brgy. San Jose.Nag-gwa sa imbestigasyon nga nagakay-o sang motor si “Michael” sang siya ang ginkumpronta ni “Jansel” kag sila ang nag-inaway. Gilayon nag-abot si “Roben” kag ginbuno sang kutsilyo sa tiyan ang biktima.Ginsiling ni Police Lt. Cipriano Lumanog III, deputy chief sang Sipalay PNP, nadakpan ang isa ka suspek nga si “Jansel” samtang at large si “Roben” nga amo ang nangamot sa pagpatay sa biktima. Sila ang magapangatubang sang kaso nga murder.Ang inaway sang una ang ginal...

Cadiz City kag banwa sang Hinigaran ang nag abiso sang temporaryo nga pag paiway anay sang pagbaligya kag pag konsumo sang aloy kasunod sang nakita nga allergic reactions sa pila nga nag kaon sini.Nagtukod na sang composite team ang Cadiz City nga gina tapuan sang PNP, PNP Maritime group, Coast Guard, Bantay Dagat, City Agriculture kag Staff sa fishery regulations agud mausisa ang kaso sang mga persona nga nakitaan sang allergic reactions kasunod sang gin-report pagkaon nila sang gina alegar nag pasar na nga aloy.Suno kay Dr Maria Victoria Ibanez, 56 ang nag pa consulta sa Emergency Clinic kag sa District Hospital. Wala pa nalakip ang mga nag self medicate.Suno kay Cadiz Mayor Salvador Escalante Jr., pila sa sintoma ang pag palanuka, may kabudlayan sa pag ginhawa, nag palamula...

Pilason ang duha ka mga babaye matapos mabungguan sang motorsiklo samtang nagatabok sa dalan sa atubang sang isa ka fastfood chain sa highway sang Purok Progreso sa Brgy. Alijis, Bacolod City, Lunes sang gab-i.Sa report sang Bacolod Traffic Enforcement Unit, ang driver sang motor nga si alyas “Nani”, ang na-obserbahan nga naka-inom kag expired ang driver’s license.Ang iya mga nabungguan nga sanday alyas “Lourdes” kag alyas “Lilibeth”, 69-anyos ang gindala sa Bacolod Adventist Medical Center.Nag-gwa sa imbestigasyon nga sala ang pag tantyar sang rider sang distansya kag kadasigon sang iya motor rason nga iya nabungguan ang duha ka senior citizens.*

Imbes nga gastuhon para sa paghiwat sa engrande nga kapistahan sa Mayo 15 tubtob 17, ang Barangay Tangub sa Bacolod City ang nagaplano nga ihatag na lang ang ila pondo bilang dugang nga bulig sa mga drayber sa ila barangay. Ginsiling ni Punong Barangay Noli Villarosa nga simplehon na lang anay sang barangay ang ila pag saulog sang kapistahan ni San Isidro Labrador.Ini ang iya man nga sabat sa panawagan sang Sanguniang Panglungsod sang siudad nga likawan anay ang engrande nga mga kapistahan bangud sa ginapangatubang nga krisis sa karun. Magahiwat lang ang barangay sang misa kag indi anay ini mag gasto para sa mga para sa liga kag iban pa nga mga aktibidad sa kapistahan. Kun nagligad nga tuig nag-gasto ang barangay sang 2 million pesos para sa pista, sini nga ...

Masobra sa 40 million pesos ang ginpa-in sang Department of Social Welfare and Development para sa ayuda sang 9,617 ka mga tricycle drivers sa siudad sang Bacolod nga natalana nga sugdan Abril 8 tubtob Abril 10.Ang tagsa ka drayber nga gin-qualify sang DSWD ang makabaton sang 5,000 pesos bilang bulig sa ila kabudlayan bangud sa padayon nga pagsaka sang presyo sang gatong. Ini ang ihatag sa idalum sang Assistance to Individuals in Crisis Situation nga prorama sang DSWD. May apat ka venue nga ginhanda ang siudad agud mangin tayuyon ang pagpanagtag sang ayuda. Ini ang patigayunon sa SM City Northblock, Ayala Capitol Central, Bacolod Arts Center sa Bacolod City National Highschool, kag sa Activity Center sang Bacolod City College. Ginsiling ni Richelle Verdeprado Mangga, ...

Samtang nagasaka ang presyo sang halos tanan nga balaklon, nagpapanaog sang presyo sang isda nga aloy ang mga manug isda sa Bacolod bangud sang natabo  sa pila ka persona sa Cadiz City tuga sang allergy.May report si Richard Caballero.https://youtu.be/b7lVgc2jxQQ?si=H1MtJPODDtR7P1El

Ang mga gin-announce ni Sec Jonvic Remulla angut sa pag patuman sang alcohol kag gambling ban kag iban pa ang yara na nga daan sa laye.Suno kay DILG Negros Occidental Director, Teodora Sumagaysay, ang damlag pa gin pang announce ni Sec Remulla nga hugot nila ipatuman, ang may yara na sang existing nga mga ordinances sa mga LGU.Ehemplo na diri ang mga curfew for minors. Sa mga natungdan nga ordinansa sang mga LGU nakasaad man kun paano i-implement ini kag sin-o ang maga patuman sini.Damlag pa ginsiling ni Remulla nga iga- pilot ang National Capital Region antes anay mag padulong sa mga urban centers ang Safer Cities Initiative. Tuyo sini nga mapa hagan-hagan ang nagakatabo nga krimen sa mga urban areas.Nalakip man sa Safer Cities Initiative ang videoke sessions nga tubtob la...