Balita Hiligaynon

All set na para sa Panaad sa Negros Festival. Ben and Ben naman ang maga perform sa opening night.Ginpatigayon sang Martes ang coordination meeting upod ang executive committeee kag LGU coordinators.Suno kay Provincial Administrator Rayfrando Diaz ang seguridad plastado na.May 180 ka mga pulis ang iga-deploy. Kag magluwas sini may yara man separado nga security force ang probinsya.Ang kamahal sang langis sa karon isa man sa mga pag panghangkat nga gina atubang sa selebrasyon. Suno kay Diaz, ila nga gina hinyo ang mga LGUs nga suportahan ang mga maga pakigbahin sa selebrasyon.Pila naman sa mga gina paabot maga upod sa kahiwatan amo sanday Senador JV Ejercito kag San Juan Mayor Francis Zamora.Magasugod ang selebrasyon sa Lunes, Abril 13 tubton Abril 19.*

Nadugangan sang isa ang napatay sa leptospirosis sa Bacolod City. Taga Barangay Estefania ang pinakaulihi nga napatay.Ang ika tatlo nga leptospirosis death sa Bacolod ang isa ka 52 anyos nga lalaki nga taga Jesusa Subdivision sa Barangay Estefania sa Bacolod City.May history siya sang pag ubog sa baha kag nagbatyag sang LBM kag palanuka. Wala makapa konsulta sa duktor ang pasyente kag wala man sang may natumar nga bulong matapos mag ubog sa baha. Ginhilanat siya kag nag yellowish na ang iya nga panit. Gin admit siya sa ospital sang Marso 23 kag napatay sang Marso 25.Bangud sini ang Estefania ang may duha na ka kaso sang leptospirosis, ang pinakamataas sa Bacolod.Humalin Enero may 12 na tanan ka kaso sang leptospirosis sa Bacolod.Panugyan sang City Health Office libr...

Kapulisan naka-recover sang van nga abandonado kag may karga nga gin-alegar smuggled nga sigarilyo.Nakabaton sang report ang Sipalay PNP gikan sa concerned citizen nga may isa ka puti nga van ang ginbilin sa Sitio Calayohan, Barangay Gil Montilla sa Sipalay City, sang Lunes.Wala na ang guma sa pang-ulihi nga bahin sang van.Makita sa sulod sang van ang pila ka mga boxes sang gina-alegar smuggled nga sigarilyo.Ginsiling ni Lt. Cipriano Lumanog III, deputy chief sang Sipalay PNP, nag-coordinate na sila sa Highway Patrol Group agud makilal-an ang registered owner sang van.Suno kay Lumanog, wala pa mabuksan ang van, gani wala pa mabal-an ang balor sang suspected smuggled cigarettes nga yara sa sulod.*

Gintinguhaan pa sang mga rescuers nga i-revive ang 20-anyos nga lalaki nga naligo kag nalumos sa Pilio-Piliohan River sa Barangay Inapoy, Kabankalan City, pasado las 10 sang aga sadtong Domingo de Paskwa.Gindeklarar nga dead on arrival ang soltero sa ospital sa Kabankalan City.Nag-gwa sa imbestigasyon nga nag-outing upod sa iya pamilya ang biktima. Naglangoy ang lalaki sa madalom nga bahin sang suba kun diin siya nalumos.Sa amo man nga adlaw, isa ka 7 ka tuig nga lalaki nga taga Victorias City ang nalumos sa Malogo River, Hacienda Banilad sa Brgy. Nanca sa banwa sang EB Magalona, mga pasado las 11 sang aga.Nagpaligo sa suba ang biktima upod ang iya pamilya. Wala madeparahan kag nasapwan na lamang sang iya tiyo nga naga-utaw-utaw na ang biktima.https://youtu.be/CSzLbMBH...

Ginsiling ni Retired Police Colonel Levy Pangue, pamuno sang City Legal Office Enforcement Team nga obligado ang mga punong barangay nga sawayon ang mga nagapatukod sang illegal structures sa ila lugar.Ini bangud sandig sa direktiba sang Department of Interior and Local Government, mga punong barangay mismo ang may responsibilidad nga ipabilin nga hilway sa kun ano man nga sablag ang ila mga dalanon para sa publiko.Ginapangabay man ni Bacolod City Mayor Greg Gasataya ang mga punong barangay nga mag kooperar sa CLO. Ang indi magsunod suno sa iya, pagapasakaan sang siudad sang kaso administratibo.Dugang ni Pangue, sumugod subong nga adlaw tubtob sa Biyernes, balikan sang CLO ang tanan nga mga area nga na clear na gikan sa mga illegal structures.Lakip diri ang Barangay 35, 2, ...

Maka pito ka beses nga nagbuga ang bulkan Kanlaon humalin sang Domingo tubtob kaina sang aga.Sa April 6 nga bulletin sang Philippine Institute of Volcanology and Seismolgy sa bulkan Kanlaon, may apat ka pagbuga sang abo ang na-record humalin las 12 sang kaagahon sang Domingo tubtob las 12 sang kaagahon sang Lunes.Suno kay Mari-Andylene Quintia ang resident volcanologist, may tatlo man ka pag buga sang bulkan ang na record kaina sang aga 7am to 7:15 am, 8:58 am to 9:06 am kag 10:42 am.Sa April 6 nga bulletin 49 ka volcanic earthquakes ang na-record lakip na ang tatlo ka volcanic tremors.Paathag ni Quintia ang mga na-record nga volcanic earthquakes ang may kaangtanan sa mga ash emission events.Wala naman sang may gin-report nga ash fall suno kay Quintia.“Tanan nga...

May mga petroleum companies na nga nag anunsyo sang saka sa bili sang produkto petrolyo sa Martes.Naga average sa P20 ang idugang sa mahal na nga daan nga presyo sang diesel sa Martes.Kun P130 ang litro sang diesel sa kalabanan nga gas stations, maga lapak na ini sa P150 kada litro sa bwas.P6 naman ang isaka sa gasoline gani mangin masobra na sa isa ka gatus ka pesos ang litro sang gasolina kag P10 naman ang saka sa kerosene.Kun sumahon halos P100 na ang kabilugan nga ginsaka sa bili sang diesel lakip na ang isaka sa presyo sa Martes.Ang Petron naman ang kumpanya ang may manubo nga presyo, P118 ang litro sang diesel, P88 ang gasolina sa subong nga Lunes nga presyo.*

Kapin sa 1,190 ka mga drayber sang jeep sa siudad sang Bacolod ang nakabaton na sang tag lima ka kilo nga bugas gikan sa lokal nga panguluhan sang Bacolod.Ginsiling ni Mayor Greg Gasataya nga nagpa-in ang siudad sang 1.9 million pesos agud pundohan ang rice subsidy program nga nagalaum nga makabulig iban sa kabudlayan sang mga drayber bangud sa pagtimbook sang presyo sang gatong.Nagapadayon pa kaina ang paghatag sang bugas sa mga drayber. Personal nga nagpadulong ang mga tiglawas sa siudad sa mga terminal agud mahatag ang amo nga bulig.Suno kay Gasataya, kon masarangan pa sang pondo sang siudad, padayunon sini ang amo nga programa tubtob magbalik na sa normal ang presyo sang gatong.Kon tigayon na nga matapos ang paghatag sang bugas sa mga jeepney drivers sini nga adlaw,...

Mga P200 million ang iga-release nga pondo para sa mga 40,000 ka mga tricycle drayber bilang fuel subsidy sini nga Abril 8.Ini suno kay Department of Social Welfare and Development Negros Island Region Director, Arwin Razo nga nagsiling nga una nga hatagan ukon sa phase 1, ang mga tricycle drayber nga gikan sa 19 ka mga siudad sa Negros Island Region sa tig P5,000.“Lahat ng cities lang talaga sa April 8 as directed by our Central Office. Yes, buo na P5,000, walang service fee, or anything.Full po yan na P5,000 per eligible tricycle driver. Nililinis namin yung listahan. So roughly, baka umabot tayo ng 40K, yan yung projection ko”, suno kay Razo.https://youtu.be/NZjbIQQmpYg?si=eQmWCnByv_INnMQvAng phase 2 naman sang releasing sang fuel subsidy sa Abril 16 kag ang mga tr...

Ginsiling ni Mayor Greg Gasataya, indi man niya personal nga kilala ang mga natungdan nga empleyado kag siudad mismo ang naghatag sang sanction sa ila bangud sa paglapas sa mga pagsulundan.Dugang pa niya, kinahanglan nga aksyonan sang siudad ang mga reklamo sang mga pumuluyo, bisan pa nga may proteksyon man sa idalom sang Civil Service Commission ang natungdan nga mga empleyado.Lakip sa 12 ka empleyado nga ginhatagan sang aksyon ang duha ka doktor sang City Health Office nga ginserbehan sang siudad sang show cause order.Ini bangud ginareklamo sang mga staff sang CHO ang pagpamuyayaw sang isa ka doktor sa ila, samtang ang isa naman ang ginreklamo man sang isa ka rape victim nga pasyente bangud sa mga insensitive nga pahayag.Siling ni Gasataya, nagsabat na ang duha ka doktor ...