Bilang pagpanghanda sang siudad sa pag host sang Batang Pinoy 2026 sa Disyembre, target nga mahuman na ang isa ka international standard nga football pitch sa sulod sang Bacolod City National High School sa Oktubre.
Hwebes sang aga, nagpadulong si Bacolod City Mayor Greg Gasataya sa area agud mag inspeksyon.
Ginsiling ni Bacolod City Administrator Atty. Mark Steven Mayo nga halos patapos na ang pagbutang sang artificial grass sa amo nga field.
Naga coordinate nalang ang City Engineer's Office sa karun sa Negros Electric and Power Corporation agud mabutangan sang mga de kalidad ng mga suga ang football pitch.
Dugang ni Mayo, bangud sa ini nga pasilidad, sarang na nga maka-host ang siudad sang mga dalagko nga football events adlaw man ukon gab-i.
May yara man sang gamay nga grandstand sa amo nga pitch. Suno kay Mayo, ginalantaw pa sang City Engineer’s Office ang posibilidad nga mabutangan sang mga bleachers ang palibot sini agud mas madamo nga tumalan-aw ang pwede makapungko sa tion sang mga hampang.
Suno sa CEO ang amo nga pitch may yara sang artificial turf, artifical grass kag may apat ka tig 25 meters nga kataason sang poste sang suga, kaangay sa mga pitch sa iban nga pungsod.
50 million pesos ang pondo nga ginpain sang siudad para sa amo nga proyekto.
Ginalantaw man sang siudad ang liwat nga pagkaayo sang oval sa BCNHS.
"Artificial grass siya and magbasa daw may ara da siya pipes sa dalum nga ang tubig ya maflow na siya and then may isa ka attachment. Nga kumbaga ma lusot lang ya ang tubig sa dalum and them may pipes nga masalo. So the engineering set up are in place agud indi madamage ang football pitch itself even mag ulan. Rain or shine,” suno kay Mayo.
[sibwp_form id=1]