Matapos ang masobra isa ka dekada nga pagserbe bilang pamuno sang Bacolod City College, ginapaabot na sa masunod nga tuig ang pag retire ni Dr. Ma. Johanna Ann Bayoneta bilang presidente sang eskwelahan.
Nagapadayon na sa karun ang vetting sang Board of Trustees sa posible nga magtal-os kay Bayoneta bilang presidente sang BCC.
Ginsiling ni Councilor Al Espino, pamuno sang Committee on Education, nga sang tinalikdan pa nga administration nagsugod ang ila nga proseso sa pagpangita sang bag-o nga presidente.
Apang antes sila makapili sang bag-o, kinahanglan nga may provision ini anay gikan sa City Ordinance kag sa Commission on Higher Education.
Sandig sa laye, ang pag appoint kag pag hatag sang qualifications para sa pagpili sang Presidente sang BCC ang yara na sa desisyon sang Sanguniang Panlungsod, DILG, kag CHED.
Suno kay Espino, may yara na sang mga possible candidates para sa amo nga position apang maid-id pa ini nila sa karun nga ginatun-an.
Isa sa qualifications nga dapat residente sang Bacolod City ang magatal-os kay Bayoneta. Dugang pa ni Espino, nga may yara na sang ibulos kay Bayoneta antes paman ini tigayon nga mag retiro sa 2027.
Sa karun, padayon man ang paghikot sang Board of Trustees kag sang LGU sang mga requirements nga kinahanglan agud mangin isa na ka state university ang BCC.
Sa idalum sang pagpamuno ni Bayoneta, nakapasar na ang BCC sa Association of Local Colleges and Universities on Accreditation ukon ALCOCUA, isa sa mga requirements agud mangin isa ini ka university.
[sibwp_form id=1]