Balita Hiligaynon

Ang tropical depression ukon mahinay nga bagyo sa east sang Mindanao ang nagapabilin sa gwa sang Philippine Area of Responsibility.Ginapaabot nga magasulod ini sa PAR sa madason nga semana. Wala ginadula sang PAGASA ang posibilidad nga ini ang mangin ini ka Super Typhoon. Kun magsulod na sa PAR tawgon ini nga Bagyo nga Caloy.Sa forecast sang PAGASA indi mag landfall sa Pilipinas ang bagyo Caloy magluwas na lang kun maglain ang direksyon sini.https://youtu.be/Qlhw7nP2jGs?si=qTs_xJBgt6UyUNfnSubong indi pa pat-od ang lakat sang bagyo gani importante nga magtutok sa weather updates.May mga tuig gid man nga naga labay ang bagyo sa Pilipinas sa bulan sang Abril pero indi pirme.

Bureau of Fire Protection nagapanawagan sa publiko nga likawan ang pag panutod bangud sang sunod-sunod nga mga kaso sang grass fire.Lunes sang hapon, halos dululungan ang lima ka grass fire incidents sa siudad sang Bacolod nga gin-respodehan sang Bureau of Fire Protection.Kalabanan sa kabangdanan sang sunog amo ang pag panutod kag mga ginapanghaboy nga mga sigarilyo sa mga kahilamunan.Ginsiling ni Bacolod City Fire Marshall Fire Inspector Jenny Mae Masip, indi mag nubo sa duha ukon tatlo ka grass fire incidents ang ila gina respondehan kada adlaw.Ini man ang rason nga ginpatuman na nila ang "Controlled Burning Program" agud malikawan ang amo nga mga insidente.Dugang pa niya, may mga naka stand by na nga mga fire trucks sa mga areas nga gin-identify sang BFP nga masami m...

File photoNagahinyo sang bulig sang Department of Agriculture, Sugar Regulatory Administration kag sang probinsya sang Negros Occidental ang United Sugar Producers’ Federation of the Philippines ukon UNIFED sa pag patigayon sang cloud seeding operations gilayon bilang sabat sa naga padayon nga dry conditions tuga sang pagsugod sang El Niño.Sa sulat nga ila ginpadala kanday Agriculture Sec. Francisco Tiu Laurel, SRA Administrator Pablo Luis Azcona kag Negros Occidental Gov. Eugenio Jose Lacson, gin siling ni UNIFED President Manuel Lamata nga ang kakulang sang supisyente nga pagtupa sang ulan ang labing naga apekto sa pag tubo sang tubo. Naga panubo ini sang yield potential kag nagasaka ang risgo sang kapierdehan.Dugang pa ni Lamata, kun wala sang intervention nga ipatuman, ang ...

Ang low pressure area sa east sang Northeastern Mindanao nga gina monitor sang PAGASA ang sa karon isa na bagyo.Gina lantaw ang posibilidad nga magsulod ini sa Philippine Area of Responsibility sa tunga-tunga sang madason nga semana bilang isa ka mabaskog nga bagyo.Kun makasulod na sa PAR tawgon ini nga Bagyo nga Caloy. Pero ginalantaw man nga posible indi ini mag-landfall sa Pilipinas.Malayo pa ang bagyo gani may uncertainties ukon indi pa klaro ang mangin lakat sang bagyo.May mga panahon gid man nga may bagyo nga naga sulod sa Pilipinas bisan tig-ilinit. Naga average sa isa ka bagyo ang naga sulod sa PAR every other year kada bulan sang Abril.

Ini base sa latest nga datus sang World Travel Index. Naka kuha ang City of Gentle People sang safety rating nga 82.28%.Naga pang duha sa Dumaguete ang Davao City kag ikatlo sa ranking amo ang Balanga City.Number 24 naman sa ranking ang Bacolod City.Ang report ang gin-base sa crime rate, police visibility, public safety policies, kag community participation.Ang World Travel Index ang gina himo nga basehan sang iban nga mga turista para mahibaluan kun ano ka safe ang isa ka lugar antes ini kadtuan.*

Kumpiansa si Governor Eugenio Jose Lacson nga lubos nga maga suporta ang mga local government units para sa ila nga delegation sa Panaad sa Negros Festival nga maga bukas na sa Lunes.Sa tunga sang gina atubang karon nga pag panghangkat sa presyo sang produkto petrolyo, mahimo suno kay Lacson nga may yara sang mga maga paiway na lamang sa pag padulong sa Panaad kag ini ang iya nga nahangpan.Sa gihapon, ang 30th Panaad sa Negros Festival suno sa gobernador ang naga tuyo mag hatag sang kasadyahan sa mga pumuluyo.May mga banwa man kag siudad nga nag pa simple sang ila nga selebrasyon sang kapistahan, sarang man sila nga mag upod na sa sinadya sa Panaad sa Negros.Isa sa gina paabot na sang mga Negrense nga performers amo ang Sex Bomb.Indi lamang ang presyo sang gatong ang gi...

Wala matalupangdan kag nalumos ang 8 ka tuig nga bata nga babaye samtang nagapaligo sa swimming pool sa Mag-aso Falls Leisure Camp sa Barangay Oringao sa Kabankalan City sang Martes.Gintinguhaan nga i-revive ang bata paagi sa pag-perform sang Cardiopulmonary Resuscitation ukon CPR kag gindala sa ospital apang siya ang gindeklarar nga dead on arrival.Suno sa amay, sila ang may family outing sa Mag-aso sang gulpi lang nga may nagsinggit nga nalumos ang iya bata.Taga Barangay Dancalan sa banwa sang Ilog ang biktima.*

Makita sa video ang lalaki nga nagabitin sa trusses sang covered court sang Barangay Carol-an sa Kabankalan City matapos makuryente, Martes sang gab-i.Ang ini nga lalaki nga ginkilala kay alyas “Jayme” amo ang isa sa duha ka mga persona nga nakuryente.Una nga nakuryente kag nahulog amo si alyas “Jemar”, 45-anyos, nga kapin duha ka dekada na nga electrician sang NOCECO, antes ini nagpungko bilang barangay kagawad.Nagahiwat sang kapiyestahan ang Barangay Carol-an kag may yara sila sang ginapatigayon nga basketball game sa sulod sang plaza ugaling nagbrownout.Sila ang nag-change power sa generator kag sang nagbalik na ang kuryente, tuyo kuntani sang kagawad nga ibalik sa main power ang ila electrical line, apang siya ang nakuryente.Ang kagawad amo ang tag-iya sang gingamit...

May igo sang bala sa tyan ang babaye nga Indian National, samtang nakibyasan ang iya driver kag nasalabat ang tatlo ka mga sibilyan nga nagasakay sa depasahe nga salakyan, matapos nagluntad ang shooting incident sa Hacienda Buyong-buyong, Barangay Bagtic, Silay City, Miyerkules sang aga.Ginkilala ang napilasan nga Indian national kay alyas “Sar”, 42 anyos, taga Brgy. Taculing sa Bacolod City. Ang iya driver ang naga-edad 45-anyos.Samtang ang tatlo ka mga sakay sa depasahe ang tanan lalaki kag naga-edad 50, 52 kag ang isa 76-anyos, tanan sila mga mangunguma kag residente sang Silay.Nag-gwa sa imbestigasyon nga nagapadulong Silay proper ang motor nga ginasakyan ni “Sar” sang sila ang ginsundan sang isa pa gid ka motor nga isa ka pinoy kag ang angkas, amo ang gunman, nga isa man k...

Paglapas sang Code of Conduct and Ethical Standard kag Conduct Prejudicial to the Best Interest of the Public sa idalum sang Republic Act 6713 ang administratibo nga mga kaso nga ginpasaka sang siudad sang Bacolod sa duha ka doktor sang City Health Office.Ini matapos nga gindagdagan sila sang City Legal Office sang show cause order. Isa sa ila ang ginreklamo sang mga staff sa CHO bangud sa iya pagpamuyayaw samtang ang isa naman ang ginreklamo sang isa ka rape victim nga pasyente bangud sa insensitive nga mga pahayag.Ginsiling ni Atty. Joseph Karol Chiu, pamuno sang CLO, nga ginahulat nalang sang siudad nga mag file ang natungdan nga mga doktor sang appeal.Kun tigayon nga makapasa sila sang ila appeal magasugod naman ang hearing sa kaso.Dugang pa ni Chiu, ang apat ka mga gin...