Nagtanyag si Negros Oriental 1st District Representative Emmanuel Limkaichong Iway sang P100,000 nga reward money sa makahatag impormasyon nga makabulig sa pagkilala kag pagdakop sang suspek sa pagpatay sa kapitan sa La Libertad, Negros Oriental.
Nagpanawagan sang hustisya ang pamilya, mga abyan kag mga upod sa serbisyo ni Dennis Jimpayan, ang kapitan sang Barangay Kansumanding nga gintiro samtang papauli na sang Miyerkules sang aga.
Ginlaragway ni Iway si Jimpayan bilang isa ka suod nga abyan nga nag-serbisyo sa komunidad sa sulod sang masobra duha ka dekada.
Nasaksihan ni Iway kung ano ka dedikado si Jimpayan sa pagbulig bisan ano oras sa adlaw man ukon gab-i.
Ginahingyo ni Iway ang may mga impormasyon sa krimen nga magpakig-angot sa hepe sang La Libertad Police Station nga si Major Marve Bolay-og.
May gintukod na nga Special Investigation Task Group ang Police Regional Office-Negros Island Region agud magtuktok sa pagsolbar sang pagpatay sa punong barangay.
[sibwp_form id=1]