Balita Hiligaynon

Mga 20,000 naman ka mga tricycle driver gikan sa mga banwa sa Negros Island Region ang maga baton sang P5,000 nga cash assistance sa April 16.Suno kay Department of Social Welfare and Development Negros Island Region, Director, Arwin Razo, mga P 100 million man ang gin pain nga pondo para sa mga tricycle driver nga maga baton sang ayuda sa idalom sang Assistance to Individuals in Crisis Situation.Dugang pa niya, tinguhaan man nila nga simultaneous ang pag panagtag sini sa mga banwa.Sang nagligad lamang nga Abril 8, gin-release ang cash assistance bilang bulig sa tunga sang gina-atubang nga krisis karon sa gatong sa mga tricycle drayber gikan sa 19 ka mga siudad sa Negros Occidental kag Oriental.Samtang, suno kay Razo tinguhaan man nila nga ma-ubos release ang nabilin pa...

May yara pa sang 282 ka mga tricycle drivers sa siudad sang Bacolod ang wala pa makakuha sang ila ayuda, apesar nga nagtakop na ang schedule sang payout sang Biyernes, Abril 10.Ginsiling ni Richelle Verdeprado-Mangga, pamuno sang Bacolod City Department of Social Services and Development, nagpakig-angut na sila sa mga natungdan apang wala sila sa gihapon makakadto sa mga venue nga ginpatigayonan sang payout.Kadam-an sang mga rason nga wala sila makakadto, amo ang ila nga medical conditions.Nagahulat pa ang siudad sang bag-o nga schedule gikan sa DSWD kon san-o ang special payout para tigayon na nga makakuha sang ayuda ang mga natungdan.Ginsiling ni Arwin Razo, pamuno sang Department of Social Welfare and Development Negros Island Region nga may masobra pa sa isa ka libo...

Las dos sini nga hapon yara sa 2,440 km east sang Eastern Visayas ang bagyo nga may international name nga Sinlaku. Isa na ini ka Super Typhoon. Naga giho ini sa kadasigon nga 215 km/h kag may pangmadlos nga 265 km/h.Gina forecast sang PAGASA nga wala sang direkta nga epekto ang Super Typhoon Sinlaku sa Pilipinas kay indi ini mag landfall kag posible nga indi na gani makasulod sa Philippine Area of Responsibility.Nag recurve na ang bagyo pakadto sa North Pacific Ocean antes ini naka palapit sa PAR bangud sang high pressure area sa Northern Philippine Sea.Gani sini nga semana palaabuton ang mainit kag mapaang nga panahon dala sang easterlies. Kun may pagbubo gid man sang ulan ini ang tuga lamang sang localized thunderstorms.*

Gintagaan na sang international name nga Sinlaku ang bagyo sa gwa sang Philippine Area of Responsibility. Nagbaskog ang bagyo, gani halin sa isa ka tropical depression, karon isa na ini ka tropical storm.May kabaskugon na ini nga 75 km/h kag pangmadlos nga nga tubtob 90 km/h. Halos wala naga giho ang bagyo.Yari ini sa gihapon sa gwa sang PAR sa east sang northeastern Mindanao.Suno sa PAGASA may posibilidad nga mangin isa ka Super Typhoon ini. Ginapaabot nga sa masunod nga semana maga sulod na ang bagyo sa PAR pero posible nga indi ini mag landfall sa Pilipinas.Suno sa PAGASA malayo pa ang bagyo gani indi pa pat-od ang mangin lakat sini gani importante nga padayon nga i-monitor ang lakat sang bagyo.*

Malapit sa 900 ka security personnel lakip na responder ang iga-deploy sa Panaad sa Negros Festival nga magasugod na sa Lunes nga adlaw.Napaidalom naman sa Blue Alert ang Provincial Disaster Risk Reduction Management Council Emergency Operation Center.Isa ka send off ceremony ang patigayunon bwas para sa Task Group Panaad Festival nga pagatapuan sang Negros Occidental kag Bacolod PNP, Bureau of Fire Protection, Provincial Health Office kag PDMPD.Suno kay Provincial Administrator Rayfrando Diaz ang pagsaulog sang Panaad sa Negros Festival nga karon yara na sa ika 30 ka tuig ang pagpakita sang kultura, heritage kag sang pag isa sang mga taga Negros Occidental.Sa tunga sang gina atubang nga pag panghangkat karon dala sang pag timbook sang presyo sang gasolina, suno kay Dia...

Padayon ang pag panghanda para sa bulkan Kanlaon labi na nga naga sige ang pila ka mga volcanic activity.Suno kay Donato Sermeno, III, ang Director sang Office of the Civil Defense NIR, padayon ang pag sapol nila sa mga clusters.Amat-amat ang pagsapol nila sa mga clusters kaangay sang response cluster. Lakip sa ila nga gina pasiguro ang logistics.Naga pabilin sa Alert level 2 ang bulkan Kanlaon sa karon, pero enkaso nga kinahanglan ukon mapasaka sa Alert level 3 ang bulkan ini ang ila nga ginapasiguro nga mahandaan.Sa pihak nga bahin, ginpatigayon ang awarding ceremonies kaina kun sa diin ginkilala ang mga local disaster risk reduction management offices nga compliant sa mga requirement sa Gawad Kalasag.*

Nag-negatibo sa pag-gamit sang iligal nga droga ang tanan nga jail officers kag persons deprived of liberty sa San Carlos City District Jail.Magluwas sa drug test, nagpatigayon man sang greyhound operation ang Philippine Drug Enforcement Agency, Bureau of Fire Protection, opisyales sang Barangay III kag ang San Carlos City Anti-Drug Abuse Council.Isa-isa nga gin-check ang mga gamit sa sulod sang selda sang mga PDLs, sa bulig man sang K9 sniffing dog.Wala sang may nakuha nga illegal drugs ukon kontrabando sa sulod sang nasambit nga jail facility.*

Ginsunod sang mga suspek ang 38-anyos nga lalaki nga nagasakay sa motor antes siya ang gintiro sa Barangay 13, Bacolod City, Huwebes sang gab-i.Napatay ang biktima nga si alyas “Jonel”, taga Magsungay sa Barangay Singcang-Airport, Bacolod City.May igo sang bala sa tangkugo ang biktima kag naglapos ini sa iya agtang.Ginsiling ni Police Captain Efren Legada, hepe sang Station 1, tatlo ang ginalantaw nila nga persons of interest kag old grudge ang motibo sa insidente.Magasugat kuntani ang biktima sa iya asawa nga naga-obra sa isa ka mall sang nagluntad ang pagpaniro.Ang lugar sang ginluntaran sang insidente, ang isolated kag wala masyado sang tawo.Nagpalagyo ang mga suspek sakay sa duha ka mga motorsiklo padulong sur sang dalan.*

Naghatag na sang notice to vacate ang Bacolod City Legal Office sa pito ka mga balay nga napatukod sa sulod sang compound sang Bays Center sa Barangay 12.Iligal ang pagpatukod nila sang balay bangud yara ini sa sulod sang compound nga ginatindugan sang mga talatapan sang gobyerno.Ginsiling ni Retired Police Colonel Levy Pangue, pamuno sang CLO Enforcement Team nga bisan nakahatag na sila sang 10-day notice sang nagligad nga semana, indi dali-dali nga mapahalin ang mga naga-istar bangud residential houses ini.Sa pito ka balay, ang iban diri gina-rentahan pa samtang ang iban naman gina-istarahan na sang pamilya. May tiangge man nga napatukod sa sulod sang compound.Sa inisyal nga assessment sang Bacolod Housing Authority, diskwalipikado ang mga natungdan nga mahatagan sang...

Ginsiling sang Deputy Speaker sang House of Representatives nga si Bacolod City Lone District Rep. Alfredo Abelardo Benitez nga pabor siya sa pag postpone sang Barangay and Sanguniang Kabataan Election 2026 bangud sa ginapangatubang nga krisis sang pungsod sa subong.Luyag sang kongresista nga ipaiway anay sang anum ka bulan ang pinili-ay samtang nagapadayon pa ang pagtimbook sang presyo sang gatong.Dugang pa niya, mas maayo nga ipain nalang anay ang 13 tubtob 14 billion pesos nga pundo sang BSKE para ibulig sa mga sektor nga gakaapetohan sang sini nga krisis.Nagapati man siya nga kon indi gilayon mahatagan sang solusyon ang ini nga krisis, posible nga mangin mas lala pa ini kun ikumpara sa pandemic.Nagapadayon pa sa karun ang voter's registration sang Commission on Elec...