Isa ka Criminology student ang nakuhaan sang masobra tunga sa milyon ka pesos nga balor sang suspected shabu sa ginpatigayon nga buy-bust operation sa Buena Park Subdivision, Barangay Estefania sa Bacolod City, mga pasado las 6:40 sang gab-i, Lunes, Setyembre 28.
Gindakop sang katapo sang Station 1 ang 18-anyos nga lalaki, residente sang Brgy. Estefania.
Suno sa pulis, nagadagdag sang droga ang estudyante sa pila ka mga lugar sa Bacolod. Ang ini nga alegasyon, ginpanginwala naman sang subject, nga nagpahayag nga ang iya routa amo ang eskwelahan kag balay lang.
Matapos ang isa ka oras, isa naman ka operation ang ginpatigayon sa Barangay Singcang-Airport kung diin masobra P1.9 Million nga balor sang ginasuspetsuhan shabu ang nakumpiskar.
Tatlo ka mga persona ang nagkaladakpan sang Station 8 operatives sa nasambit nga drug bust.*
[sibwp_form id=1]