Luyag nga ipasiguro sang probinsya sang Negros Occidental nga ang mga indigent patients nga na ospital sa mga provincial government run hospitals ang wala na sang balayran.
Sa post ni Provincial Administrator Rayfrando Diaz, may P150 million nga ginpain nga pondo ang probinsya para lang gid sa free hospital sang mga indigent patients nga na ospital sa siyam ka mga provincial government run hospitals humalin sa Cadiz District Hospital padulong sa Hinoba-an District Hospital.
Paathag ni Diaz paagi sa gin plastar sang Finance Team sang probinsya nga NEMRIS ukon ang Negrense Electronic Medical Records Integrated System sarang na mahibaluan real time ang mga financial assistance ukon claims nga nabaton sang pasyente gikan sa nagkalain-lain nga institution kaangay sang Philhealth kag iban pa.
Kun may bilin pa gid sa bill sang pasyente suno kay Diaz ini ang sal-on na sang probinsya.
[sibwp_form id=1]