Saka sa plete sa mga pampubliko nga salakyan nga naga lakip sang mga jeep, bus kag taxi ang nag take effect Lunes adlaw, Setyembre 28.
Suno kay Atty Gerry Llena ang Director sang Land Transportation Franchising and Regulatory Board Negros Island Region gin-aprobahan ang saka sa plete matapos man ang malawig nga pagtuon para mabalanse ang tanan.
Sa mga modern public utility jeepney ang first four kilometers sadto nga P15 pesos karon P17. Ang para naman sa estudyante kag senior citizen P13.50.
Para naman sa traditional public utility jeepney ang first four kilometers sadto nga P13 ang karon P14.
Ang plete naman para sa estudyante ukon senior citizen yara sa P11.25.
Ang sa regular nga taxi naman ang flagdown rate yara na sa P65.
Sa pampubliko nga provincial bus, nga ordinary P12 para sa first five kilometers. Kag ang para sa senior citizen kag estudyante P9.50.
Ang TNVS naman para sa Hatchback/subcompact P55 ang flagdown rate, sa sedan P65, sa AUV/SUV P75, kag premium P 165.
Ang mga operators kag drivers sarang maka print sang fare matrix gikan na mismo sa portal sang LTFRB. Kabahin na ini sang mas ginpahapos nga pag serbisyo suno kay Llena. Indi na kinahanglan nga mag padulong pa sa Iloilo para lang sa fare matrix.
Ang pag saka sa presyo sang petrolyo, kahimtangan sang mga operators kag drivers kag bisan pa sang mga commuters suno kay Llena ang ginhatagan sang konsiderasyon sa pag patuman sang saka sa plete.
“Basically these are well studied, valid, we’re trying to balance everything kag kadugay ni sang deliberation namon tanan, including didto sa Manila. Indi lang pagsaka sang gatong but also ang epekto sa aton mga pasahero. Not only that, ang epekto man sa aton operator kag transport sector, may negosyo mga drayber ta,” suno kay Llena.
[sibwp_form id=1]