Isa ka Criminology student ang nakuhaan sang masobra tunga sa milyon ka pesos nga balor sang suspected shabu sa ginpatigayon nga buy-bust operation sa Buena Park Subdivision, Barangay Estefania sa Bacolod City, Lunes sang gab-i.
Gindakop sang katapo sang Station 1 ang 18-anyos nga estudyante nga suno sa pulis, nagadagdag sang iligal nga droga sa pila ka mga lugar sa Bacolod. Ang ini nga alegasyon, ginpanginwala naman sang subject, nga nagpahayag nga ang iya rota eskwelahan kag balay lang.
Matapos ang isa ka oras, isa naman ka operation ang ginpatigayon sa Barangay Singcang-Airport kung diin masobra P1.9 Million nga balor sang ginasuspetsuhan shabu ang nakuha.
Tatlo ka mga persona, lakip na ang isa menor de edad, ang nagkaladakpan sang Station 8 operatives sa amo nga nga drug bust operation.
[sibwp_form id=1]