Balita Hiligaynon

Sa Luzon, kanselado ang klase sa pila ka lugar bangud sang mabunok nga ulan.Ang low pressure area sa sulod sang Philippine Area of Responsibility sa northeast sang Luzon ang nagapabilin sa gihapon nga may medium nga tsansa nga mangin isa ka bagyo kag kun mangin bagyo gid man pagatawgon ini nga Pilandok.Wala ini sang direkta nga epekto sa Pilipinas kay gina forecast nga indi ini mag-landfall sa pungsod pero pabaskugon sini ang Habagat nga amo ang nagadala sang ulan.https://youtu.be/ZmJEIFRPeTg?si=V5xQkFCm41IhWi7zSa Visayas lakip na ang isla sang Negros, may mataas nga tsansa sang pag-ulan bangud sang Habagat.Sini nga hapon may bag-o nga low pressure area nga na porma sa gwa sang PAR sa east sang Central Luzon.Gina paabot nga palawigon pa gid sini ang epekto sang H...

Mia Mae Franciso photoMiyerkules sang aga, tigayon na nga ginpanagtag sang Bacolod LGU ang tag 200,000 pesos sa 61 ka barangay sa siudad sa idalum sang Bawat Barangay Makikinabang Program sang gobyerno nasyonal.Sa idalum sang programa, ginamanduan ang Barangay nga magpili sang lima ka mga graduating ukon working students nga mahatagan sang tig 20,000 pesos bilang bulig sa ila pag-eskwela samtang ang nabilin naman ang pagagamiton sa mga socio-civic projects sang tagsa ka Barangay.Nagpasiguro si Christian Nagaynay, Director sang Department of the Interior and Local Government sa Bacolod City, nga hugot sila nga magabantay sa pag distribute sang tagsa ka Barangay sa amo nga funds.Dugang pa niya, indi dapat malakip sa scholarship program ang mga himata sang mga opisyales sang B...

NFSW photoMga Agricultural workers sa idalom sang NFSW, KMP kag PAMALAKAYA ang nag patigayon sang aksyon protesta sa atubang sang talatapan sang DOLE Hwebes sang aga.Panawagan sang grupo sang tunga sang krisis nga gina atubang sang industriya sang kalamay amo ang pag patuman sang P5,000 nga social amelioration bonus para sa mga field workers kag migratory workers para man matabangan ang mga apektado sa tion sang sira galing.Bitbit ang mga tarpaulin kag placards ila nga ginsinggitan ang ila nga mga panawagan sa tunga sang gina eksperiensya karon nga pagpanghangkat dala sang pag pang atake sang peste sa tubo, manubo nga presyo sang kalamay tuga sang importation suno sa ila kag pag nubo sang production.https://youtu.be/ZvVnRVfQ0nE?si=3_NRCCWFcD7XdBegGinaduso man nila ang...

PRO NIR photoNagdangat na sa P236.6 million ang kabilugan nga na-release nga pondo sang DSWD para sa mga mangunguma nga apektado sang RSSI ang ila nga katubuhan, base sa datus as of August 26, 2026.Sa Negros Occidental P188.4 million pesos ang na-release sa idalom sang emergency cash transfer sa 18,252 ka mga small farmers.Sa datus sang Department of Social Welfare and Development ang siudad sang Himamaylan ang may pinaka madamo nga benepisyaryo - 3,549.Nagasunod naman ang Murcia nga may 2,322 ka beneficiaries, Isabela 2,262 kag La Castellana - 2,175.https://youtu.be/5PobGyzzF84?si=2sLxhP7AFOhEby0tSuno kay Razo as of press time padayon pa ang releasing sa La Castellana.13 tanan ka LGU sa Negros Occidental ang nag baton sang bulig.Sa Negros Oriental naman P...

Tatlo ka insidente sang pagkawat sang mga kuryente kag kable sa Bacolod City Government Center ang na-report sang siudad sini nga Agosto.Ginsiling ni Atty. Marty Go, Secretary to the Mayor, nga una nga insidente ang na report sang Agosto 21 kag 22, samtang isa naman ka kaso sang pagkawat sang mga kable sang suga ang gin-report man sang Agosto 28.Nagdangat sa masobra 50,000 pesos ang balor sang mga kuryente kag kable nga gintaban sang mga kawatan.Masami nga ginakawat suno kay Go, amo ang mga daan na nga linya sang kuryente kag mga kable sang suga bangud mahapos nalang ini makuha.https://youtu.be/QStRlBp-YrU?si=Q_JQnw6AT1Sd56rYMatapos ang ini nga mga insidente, ginpang-ilisan na ang amo nga mga kuryente kag gintabonan agud indi na dali-dali makawat.Ginamanduan na sa...

John Rey Nem Tabligan photoMabatian sa video ang pag singgit sa kasakit sang lineman matapos siya ang nahulog upod sa poste nga natumba sa bahin sang Sitio Cagayon sa Barangay Balintawak, Escalante City.Naga-obra sa ibabaw sang poste ang lineman sang Northern Negros Electric Cooperative sang gulpi lang nga naghilay kag natumba ang poste.https://youtu.be/ydnblTJ8H30?si=1tnfvtMarAw0hIMDNadala sa pagtumba sang poste ang lineman kag nagdiretso sa dulhugon nga bahin, sa kilid sang dalan.Sa karon, base sa nakuha nga impormasyon sang Escalante PNP, istable na ang kondisyon sang nasambit nga lineman.

PRO NIR photoApat ka homemade firearms, mga bala kag masobra P400,000 nga balor sang suspected shabu ang nakuha sa buy-bust operation sa Zone 1, Barangay Handumanan sa Bacolod City sang Martes.Tatlo ka mga persona ang nadakop, lakip na ang subject, nga ginkilala kay alyas “Noy”, 34-anyos, ang iya assistant nga si alyas “Mel”, 31-anyos, kag isa ka customer nga si alyas “Bal”, 32-anyos.Ang subject amo ang gina-alegar nagapangbaton sang mga gina-prenda nga pusil sang iya mga customers.https://youtu.be/dDNJagSpztE?si=xf4D8Ay4uiun3iFfSuno sa pulis, nagatuga sang gamo ang subject kun nakainom. Pila sa iya mga tupad balay ang nagareklamo nga masami madamo sang mga tawo nga naka-motor ang nagasulod kag nagagwa sa iya balay bisan kaagahon.Igapaidalom sa ballistics examinat...

Nakuhaan sang closed-circuit television camera footages ang pag-snatch sang cellphone sang isa ka babaye sa Lopez Jaena Street, Barangay 31 sa siudad sang Bacolod, Domingo sang gab-i.Ang suspek, nakasakay sa motor kag wala sang helmet.Suno sa amo sang biktima, pangayaw kag bag-o lang sa Bacolod ang babaye, nga taga Himamaylan City, rason nga wala gid ini maghuna-huna nga amo yadto ang matabo sa iya.Nagahulat sang order ang babaye sa isa ka food delivery service kag magasaylo kuntani ini sa pihak nga dalan agud tabuon ang driver.https://youtu.be/I65ADzsRE9o?si=LSCyp4HJKzMTQNopMay kaistorya ang babaye sa cellphone sang naghinay-hinay ang suspek kag gin-agaw ini.Nadala ang buhok sang biktima sa pagbutong sang suspek sa cellphone.Nag-isi-isi ang motor sang suspek ...

Padayon ang kampanya sang Philhealth para sa Yakap program sini. Gina haylo nila ang publiko nga mag avail sang mga libre nga serbisyo sa idalom sang programa para mapangapinan ang ikaayong lawas.Suno sa Philhealth, sa 3.2 million nga projected population sang Negros Occidental, 9.04 percent pa lamang ang naka pa rehistro para sa Yakap ukon 293,506.Sa mga banwa kag siudad sa Negros Occidental ang San Enrique ang may pinaka mataas nga Yakap registration 39.64% sa ila nga projected population ang naka pa rehistro.Pero suno sa Philhealth, ila gina duso, indi lamang mag pa rehistro kundi dapat i-avail gid ang serbisyo.Sa idalom sang Yakap program may yara sang Primary Care Benefit kaangay sang libre nga konsulta kag laboratory tests.May cancer screening test benefit package...

Sa ika 47 nga Masskara Festival sang Bacolod City ang Gugma Foundation, Inc ang magapamuno sang mga preparasyon para diri.Ini matapos nga gin-aprubahan na sang Sangguniang Panlungsod sang Bacolod City ang Memorandum of Agreement sa tunga ni Mayor Greg Gasataya kag sang Bacolod Gugma Foundation, Inc.Ginsiling ni Atty. Marty Go, Secretary to the Mayor, nga sang Agosto 19, sa regular session sang SP una na nga ginpasulod ang amo nga MOA apang gin-defer ini bangud sa mga alegasyon nga wala pa makabayad sa mga supplier kag tinawo sang foundation sang tinalikdan nga MassKara.Gilayon man nga nagpasa sang tanan nga mga dokumento ang foundation agud pamatud-an nga wala na sila sang unsettled business, rason nga sang Agosto 26, sa regular session, gin-aprubahan na ini sang SP.https:...