Balita Hiligaynon

Siudad sang Bacolod ang nag pakig-angut sa Bacolod PNP nga buligan monitor kag bantay ang pag patuman sang oil price hike sang mga oil companies sa siudad. DTI padayon man ang monitoring sa presyo sang mga naga panguna nga balaklon.Ginsiling ni Bacolod Mayor Greg Gasataya nga magluwas sa monitoring nga gina patigayon sang siudad nga gina pangunahan sang City Treasurer’s Office kun sa diin ginapatigayon ang calibration sang mga gas stations, nag pangabay siya kay Col Eugene Rebadomia, BCPO Director, nga magbulig ang PNP sa pagbantay para malikawan ang pag pamentaha sa sitwasyon kag mapasiguro nga ang ginatugutan lamang nga kantidad nga isaka ang mapatuman.Samtang ginsiling naman ni Engr Lynna Joy Cardinal ang Provincial Director sang Department of Trade and Industry nga regular na nga d...

Guidelines sa fuel subsidy para sa mga public utility vehicle drivers ang sa karon ginahulat pa. Fuel subsidy para sa mga mangunguma isa man sa gina lantaw para mabuligan sila sa tunga sang pag timbook sang presyo sang langis karon.Ginsiling ni Atty Gerry Llena ang regional director sang Land Transportation Franchising and Regulatory Board NIR nga indi sarang makapatuman sang saka sa plete ang mga pampubliko nga salakyan bangud may yara sang guidelines nga gina sunod.Subong wala man gani sang pending nga fare hike petition sa ila nga talatapan.Sa tuman nga pagsaka sa presyo sang gatong dala sang konplikto sa Middle East kag tanan ang apektado, ang gina lantaw subong sang gobyerno suno sa iya ang pag-release sang fuel subsidy sa mga driver sang pampubliko nga salakyan. Pero wala pa in...

Nagsigabong kag nasunog ang gina-himuan sang palupok sa Sitio Silverio, Barangay Pilar sa banwa sang Hinigaran.Isa ka persona ang nakaangkon sang minor injuries matapos mapisikan sang bato kag debris.Ginsiling ni Fire Officer 2 Carlos Colimbo, arson investigator sang Hinigaran Bureau of Fire Protection, under investigation pa ang ginhalinan sang sunog.Sa karon, ginpadala sa laboratory ang mga sample evidence nga nakuha sa lugar.Suno kay Colimbo, yara sa 100 metros ang kalayuon sang ulobrahan sang palupok sa mga pamalay.Apang, may pila ka mga residente nga nagakahangawa nga basi masulit ang insidente kag mas madamo ang mahalitan, gani ila ginapanawagan nga i-relocate ang nasambit nga firecracker manufacturing area.*

Isa ka bangkay sang lalaki ang nasapwan nga sa Hacienda Otella Lacson, Brgy. Efigenio Lizares sa Talisay City, pasado las 6 sang aga sang Marso 10.Ginkilala ang biktima kay alyas Jayvee, 34-anyos, residente sang Brgy. Mansilingan sa Bacolod.Nakilal-an ang biktima paagi sa iya mga tattoo.Isa ka concerned citizen ang nakakita sa lawas sang biktima nga nagakaya kag may mga buno sa lawas.Ang biktima ang ginareklamo nga nagaprenda sang salakyan nga indi iya.Sa isa ka Facebook post, ginapangita sang isa ka persona ang biktima matapos siya naghulam sang kwarta kag ang iya gin-collateral ang salakyan nga indi iya.Gina usisa pa karon sang PNP kun bala may kaangtanan ini sa iya nga kamatayon.*

Ginpirmahan na ni Bacolod City Mayor Greg Gasataya sini nga hapon ang Executive Order number 015-2026 nga nagapatuman sang flexible work arrangements ukon 4-day work week schedule sa mga talatapan sang gobyerno sa siudad sumugod sa Lunes, Marso 16.Sandig sa amo nga mando sang alkalde, wala sang trabaho kada Byernes nga adlaw ukon Lunes tubtob Huwebes lamang mangin bukas ang mga talatapan sa siudad.Apang kinahanglan sa gihapon nga magdangat sa 40 hours ang duty sang mga empleyado kada semana. Sa baylo, las 8 sang aga tubtob las 7 sang gab-i na ang bag-o nga schedule sa sulod sang 4-day work week.Wala naman madala sa amo nga mandato ang mga talatapan nga nagadul-ong sang essential services kaangay sang City Health Office, City Engineer’s Office, Department of Social Services and Develo...

Hulaton na lang kun ano ang mangin resulta.Ini ang pahayag ni Bacolod City Mayor Greg Gasataya matapos siya nga makigsapol sa tag-iya sang Crystal Bridges Holding Corporation nga si Lucio Co nga amo na sa karon nag acquire sang PrimeWater.Sa ila paghinun-anon sang Domingo, naghambal man si Co sa iya nga handa sila mag-invest sa PrimeWater kag Bacolod City Water District agud masolusyonan ang madugay na nga problema sang siudad sa supply sang tubig.Siling sang alkalde, nagalaum siya nga mapatuman ini sang kompanya ni Co bangud indi na makahulat pa ang pumuluyo sang malawig pa nga tion agud masolusyonan ang problema sa ginakulang nga tubig, ilabi na nga nagahilapit ang tig-ilinit.Dugang pa sang alkalde, indi na maghilabot pa ang siudad sa agreement sang PrimeWater kag ni Co. Tuyo lam...

LPA sa gwa sang PAR isa na ka bagyo. La Niña opisyal na nga natapos suno sa PAGASA.Ang low pressure area sa gwa sang Philippine Area of Responsibility ang nag-develop na sa isa ka tropical depression las otso kaina sang aga. As of 2pm, ang bagyo ang yara sa 1,315 km east sang Eastern Visayas. May kabaskugon ini nga 55km/hr kag pag madlos nga 70km/hr.Suno sa PAGASA magamay ang tsansa nga magsulod ang bagyo sa PAR pero ang trough sini ukon ang extension ang magadala sang ulan sa Visayas kag Mindanao.Gin anunsyo sang PAGASA sang kahapon nga opisyal na nga nagtakop ang La Niña pero wala man ini nagakahulugan nga wala na sang maulanon nga panahon. Posible sa gihapon ang mabunok nga ulan nga mahimo magresulta sa baha kag landslide.Panugyan sang PAGASA padayon lang nga mag monitor sa laka...

P831 million na ukon 70.23 percent na ang na-release sang Department of Social Welfare and Development nga pondo sa idalom sang Emergency Cash Transfer para sa mga na igo sang bagyo Tino sadtong Nobyembre, 2025.Suno sa DSWD may 139,603 ka mga benepisyaryo gikan sa Binalbagan, Hinigaran, Isabela, La Castellana, Moises Padilla, Pulupandan, San Enrique, Valladolid, Bago City, Himamaylan City, La Carlota City sa Negros Occidental kag Canlaon City sa Negros Oriental.P831,626,967 ang kabilugan nga na-release as of March 7 suno sa DSWD.Padayon sa gihapon ang pag panagtag sang ECT sini nga semana. Damlag pa ginsiling ni DSWD NIR Regional Director Arwin Razo nga mahimo matapos nila ang payout sa ika duha nga semana sang bulan sang Marso.Padayon man ang payout para sa mga beneficiaries sa Ba...

Naghatag sa liwat sang 10-day nga final notice ang Bacolod City Legal Office sa mga iligal nga baligyaan sa “asenso market” sa Barangay Alijis sini nga hapon.31 ka mga baligyaan ang ginhatagan sang CLO sang notice bangud expired na ang ila nga special permit nga magbaligya sa amo nga lugar nga ginapanig-iyahan sang siudad.Ginsiling ni Atty. Vanessa Encabo, spokesperson sang CLO nga nag-ayo pa ang mga vendors nga hatagan sila sang extension samtang ila pa ginaplanuhan ang posible nga tikang agud makakuha sila liwat sang special permit gikan sa Sanguniang Panlungsod.Pagklaro ni Encabo nga kon indi pa makakuha ang mga vendors sang permit tubtob sa Marso 20, indi na maghatag pa ang CLO sang dugang nga extension kag dayunon na nila ang pagguba sang amo nga mga baligyaan.Sa record sang C...

Nag-ibwal ang kalayo sa sulod sang Talisay City Public Market, Domingo sang gab-i.Nagsugod ang kalayo sa bloke nga may mga baligya nga plastic supplies pasado las 6:40 sang gab-i.Suno sa Talisay City BFP, isa ka stall ang totally destroyed kag duha ang partially damaged.Matapos ang masobra 20 ka minutos nga firefighting operation, nagdeklarar ang BFP sang fireout mga las 7:08 sang gab-i.Wala sang may nasamaran sa insidente.Nagdangat sa P360,000 ang halit sang kalayo.*