Balita Hiligaynon

Ang trough ukon ang punta sang bagyo sa gwa sang Philippine Area of Responsibility amo ang naga dala karon sang ulan sa Eastern Visayas, Caraga, Davao Region, Misamis Oriental kag Camiguin.Ginapaabot nga sa bwas, Huwebes nga adlaw maga sulod na ang bagyo sa sulod sang Philippine Area of Responsibility kag kun madayon, ini ang tawgon ang bagyo Queenie.https://youtu.be/VfusSaajNwk?si=dRDlZjMr7TEn_blxGina forecast nga posible malabyan sang bagyo ang extreme northern Luzon ukon Taiwan.Pero pabaskugon sang bagyo ang Habagat nga amo ang magadala sang ulan sa western nga porsyon sang Pilipinas sini nga weekend.

Ginalantaw nga mahimo magdangat sa P1.9 billion ang ayuda nga mapanagtag sa mga magagmay nga sugar planters kag farm laborers nga apektado sang RSSI ang ila katubuhan.Ini suno kay Department of Social Welfare and Development Sec Rex Gatchalian nga yari sa Bacolod sang Martes para sa launching sang Performance-Based Grant for Sustainability sa idalom sang Kalahi-CIDSS.Suno kay Gatchalian, ang P1.9 billion naga tumod lamang para sa mga apektado sa Negros Island. May validation nga gina patigayon gani sarang pa mag kambyo ang kantidad. Ang kada farmer kag laborer ang naga baton sang sulusobra sa P10,000 nga ayuda.https://youtu.be/sj_qnS6qhnU?si=-41q9pqYm5EywjBIMay mga apektado man sang RSSI gikan sa Capiz, mga bahin sang Iloilo kag Bukidnon kag sila ang may ayuda man.Pas...

Sa pihak sang Regional Secondary Price Cap nga ginapatuman sang Energy Regulatory Commission sa Visayas kag Mindanao, tres sentimos lamang ang ginapaabot nga iban sa sukot sang kuryente sang Negros Electric and Power Corporation sa Negros.Ini bangud suno sa Negros Power, ang Wholesale Electricity Spot Market ukon WESM lamang ang sakop sang amo nga mando sang ERC.Sa Press conference sang Martes nga adlaw, ginsiling ni Engr. Joe-mel Zaporteza, Vice President kag Chief Operating Officer sang Negros Power, may tatlo sila ka mga ginakuhaan sang suplay sang kuryente kag 23 percent lamang diri ang gikan sa WESM.Bangud sini, may pagnubo gid man sa sukot sa bulan sang Setyembre apang yara lang ini sa 3 centavos.14.2487 pesos per killowatt hour ang residential rate sa Setyembre base ...

Allan Tomaquin photoGinsugdan na sang Martes ang pag kalkal sang mga balas kag bato nga nagtampok liwat sa Ibid Creek sa Barangay Biak na Bato sa La Castellana.Ang mga heavy equipment nga ginpadala sang probinsya sang Negros Occidental amo ang ginagamit para mag hawan balik ang Ibid Creek. Sang Setyembre 15, liwat nga nag awas ang Ibid creek kasunod sang mabunok nga ulan.Suno kay Punong Barangay Joselito Martinez, Jr., ang mga nakalkal nga bato kag balas ibutang lamang sa kilid. Sa nag ligad nga tuig ginhawanan man ang creek bangud sang pag katampok sang mga balas kag bato nga gin anod sang ulan gikan sa naibabaw nga bahin.Nalakip na diri ang mga abo kag volcanic debris nga ginbuga sang bulkan Kanlaon. Indi ma-negar nga sulit-sulit ang sitwasyon.https://youtu.be/Ga06xn...

Indi na kinahanglan pa nga magpila ang isa ka benepisyaryo sang UPLIFT Assistance agud makuha ang benepisyo, bangud pwede na ini mabaton pinaagi sa GCash.Nangin pilot city ang Bacolod sang UPLIFT Assistance Digital Payout nga inisyatibo sang Department of Social Welfare and Development.Martes sang aga, ginpangunahan ni DSWD Secretary Rex Gatchalian ang launching kun sa diin 62 ka mga benepisyaryo ang una nga nagbaton sang digital payout.Suno kay Gatchalian, luyag nila masiguro nga direkta mabaton sang benepisyaryo ang assistance kag mas mangin madasig na ang paghatag sang ayuda.Karon, yara pa lang sa 20 porsyento sang 2.5 million beneficiaries nga yara sa idalum sang poor kag near poor households ang may yara sang GCash accounts.https://youtu.be/wnnfPqPxdWI?si=_uDf4YpG...

Gina-trace karon sang otoridad ang ginhalinan sang mensahe nga naga pamahog nga ginpasa-pasahan.Agud mapasiguro ang safety sang tanan, ginpakamaayo sang school principal kag district supervisor nga i-suspend ang klase sa EB Magalona National High School, pati na sa EB Magalona Elementary School.Ginsiling ni Police Capt. Armel Lasap, hepe sang EB Magalona PNP nga ila na gin-validate ang nasambit nga threat kag ginpabaskog ang security measures sa mga eskwelahan.https://youtu.be/A4az9UWXeTc?si=At4qVeaIBdiFhxBcNagpakig-angot ang EB Magalona PNP sa Regional Anti-Cybercrime Unit agud ma-track ang naghimo sang mensahe sang pagpamahog.Naghangyo si EB Magalona Mayor Matthew Malacon sa mga pumuluyo nga magpabilin nga kalmado kag indi mag-panic.Magahimo sang tikang ang loca...

Cadiz PNP photoPatay ang 21-anyos nga lalaki matapos gintiro sang tricycle driver sa Hacienda San Antonio, Barangay Mabini sa Cadiz City sang Sabado.Nagwa sa imbestigasyon nga nagamaneho sang motor ang biktima nga si alyas "Jay" kag angkas sini ang 15-anyos nga lalaki sang sila ang ginbalabagan sang suspek nga ginkilala kay alyas "Ed", 42-anyos.Gintiro sang suspek ang biktima kag nalagyo. Wala naman masamaran ang menor de edad.https://youtu.be/0HvFwo9W96s?si=ti71RG1Ml3YcHwaeGinsiling ni Lt. Daleen Grace Loreno, deputy chief sang Cadiz PNP nga ang suspek kag ang biktima, ang isa man lang ka barangay kag sila ang naga-updanay sa inom-inom.Sang Lunes, nagsungka ang suspek sa kagawad sang Brgy. Daga sa Cadiz kag karon naka-detain sa custodial facility sang Cadiz PNP. ...

Isa ka adlaw matapos ginhimo ang krimen, nagsungka sang Domingo ang suspek nga nagpatay sa senior citizen sa Barangay Handumanan, Bacolod City.Sa Murcia PNP nagsungka ang 29-anyos nga suspek nga taga Brgy. Salvacion.Ginsiling ni Police Capt. Lelanie Lagoting, hepe sang Station 10 nga may buno sa liog, paa kag kamot ang 80-anyos nga biktima.https://youtu.be/-kLkLWm3jFQ?si=uwqWoU1gWW9a7LZvPosible nga nakabato pa ang biktima sa suspek, suno sa hepe.Gin-ako sang suspek nga nagagamit ini sang iligal nga droga.Ginpanginwala sang suspek nga nagsulod ini sa balay agod magpangawat apang wala ini sang may ginhambal kung ano ang iya rason sa paghimo sang krimen.

BCCO photoGinsiling ni Barangay 17, Punong Barangay Rogelio Pabiana Jr. nga nakasugtan na nila kag sang tag-iya sang pribado nga building sa 4th-Lacson Streets nga magabutang sila sang gwardiya agud mangin hugot ang pagbantay nga wala sang may nagatinulog nga mga indibidwal sa amo nga lugar.Nagpatukod na sang hayub-hayub ang pila ka persona kag diri na naga-istar.Makapila naman ka beses nga ginpahalin sila sang Bacolod City Legal Office, apang suno sa kapitan, nagabalik sila sa gihapon.https://youtu.be/CpFIu_tsuYw?si=qY3IjHqN0RnGspU5Dugang ni Pabiana, tubtob sa karun, yara sa gihapon sila lugar bisan indi man mga residente sang barangay.Suno sa DSSD ang iban sa ila naga serbe barker samtang ang ila mga bata nagapanglimus sa amo nga lugar.Bilang tikang man nga...

Richard Malihan photoNagbukas na ang 40th Negros Trade Fair sa SM Convention Center Aura, Taguig nga karon may tema nga Butlak.Dinapit nga bisita si Cabinet Secretary Benjamin Abalos, Jr., nga labing nag dayaw sa mga nasalida nga produkto gikan sa Negros.Iya gin panginbulahan ang Negros Trade Fair nga sadto nagsugod lamang sa 30 ka mga booth nga nag tanyag sang ila nga mga produkto sa tunga sang krisis nga gin pangatubang sang industriya sang kalamay.Suno kay Abalos, wala labot sa matahum nga mga produkto, karon nag dako na ini kay nagdangat na gani sa 178 ka mga booth ang naga salida sang ila nga mga produkto.https://youtu.be/uKr6GQG2NZM?si=b02KqD31WfmUJUwfSa speech ni Governor Eugenio Jose Lacson, iya pag panghangkat sa mga producers nga padayon sa pag innovate ...