Balita Hiligaynon

Jun182026 by Romeo SubaldoNo Comments

LPA sa gwa sang PAR may medium nga tsansa nga mangin isa ka bagyo

Yara pa sa gwa sang Philippine Area of Responsibility ang isa ka low pressure area. Ginapaabot nga posible sa Sabado magasulod na ini sa PAR.Gina forecast sang PAGASA nga may posibilidad nga mag recurve ini kag magrekta sa Japan pero wala pa gid sang kasiguraduhan ang mangin lakat sang sini nga LPA sa karon.Posible nga mangin isa na ini ka bagyo antes pa man makasulod sa PAR kag kun mangin isa na ka bagyo, paga tawgon ini nga Francisco.Subong yara pa ang Pilipinas sa monsoon break. Buot silingon, bisan tig-ululan na, temporaryo nga mangin mainit ang panahon kag indi mabatyagan ang hangin Habagat.Sa tion nga magsulod na ang bagyo sa PAR ipabaskugon sini ang Habagat nga amo naman ang magadala sang ulan sa Pilipinas lakip na diri sa aton sa Visayas.

Jun182026 by Barbara MijaresNo Comments

Doble nagsaka ang kalaparon sang area sang katubuhan nga apektado sang RSSI sa Visayas

Balita Hiligaynon

Grace Supe photoSa June 11 nga report sang Sugar Regulatory Administration, nagdangat na sa 4,800 ka ektariya karon sang katubuhan sa Visayas ang apektado sang Red-Striped Soft Scale Insect ukon RSSI.Sa June 11 report, nakasaad nga yara na ang RSSI sa accelerated infestation nga phase. Sa sulod lamang sang anum ka adlaw nadugangan sang 2,595 hectares sang katubuhang ang na atake sang RSSI.May mga nagtuhaw nga bag-o nga hotspots kag ini ang naga lakip sang Mabinay, Himamaylan kag Binalbagan.Na-record man ang pinaka una nga kaso sang RSSI infestation sa Leyte.Suno sa SRA ang datus nagapakita sang epekto sang malapnagon kag mas masupog nga monitoring kag reporting sang mga technical personnel sang mga Mill District sa Visayas.Sa mga hotspots ang Bago ang naga pabilin n...

Jun182026 by Barbara MijaresNo Comments

Election and Barangay Affairs team yari sa Negros Occidental sa pag check sang clustering of precincts para sa BSKE

Balita Hiligaynon

Yara karon sa Negros Occidental ang team gikan sa COMELEC Manila para mag check sang clustering sang mga presinto para sa Barangay and SK Elections.Suno kay COMELEC Negros Island Region Director, Atty Lionel Marco Castillano ang team gikan sa EBAD ukon Election and Barangay Affairs Department ang una nagpadulong sa Negros Occidental.Sila ang maga check sang clustering of precincts nga gin pang plastar sang mga election officers. Tig 400 ka mga botante sa kada cluster para sa BSKE bangud nga manual elections ini.Pagkatapos sa Negros Occidental ang team ang maga padulong naman sa Negros Oriental kag sa Siquijor.Pagkatapos sini gina paabot ang project of precincts.Suno kay Castillano padayon naman ang consolidation sang datus para mapat-od ang registered voters sang Negros...

Jun182026 by Barbara MijaresNo Comments

Hulot sa Negros First CyberCentre padayon nga ginahanda para mangin opisina sang National Government Agencies

Balita Hiligaynon

Atty Ray Diaz video grabPadayon ang pag panghanda sang probinsya sa mga talatapan sa Negros First CyberCentre nga maga serbe opisina sang mga interesado nga regional offices sang mga national government agencies.Sa video ni Provincil Administrator Rayfrando Diaz, padayon ang pag plastar sang mga cubicles, lakip na ang mga dividers nga mga serbe nga conference areas. Padayon man ang pag plastar sang electrical requirements.Ang phase 1 kag phase 2 suno kay Atty Diaz ang sarang maka accommodate sang mga 700 ka cubicles.Target sang probinsya nga mahuman ini sa katapusan sang July. Suno kay Diaz luyag nila nga masulod na lang kag handa na ang tanan para sa mga maga occupy sini.May anum na ka talatapan ang nag pa reserve para sa ila nga space.Kay wala pa man budget ang mg...

Jun182026 by Shiela Gelera-BragaNo Comments

SK chairman nga isa man ka maestro patay sang magbungguanay ang duha ka mga motorsiklo

Balita Hiligaynon

Bunzo Tv Vlog photoDuha ka mga kabuhi ang nautas sa nagluntad nga head-on collision sang duha ka mga motorsiklo sa national highway nga sakop sang Crossing Biaren, Barangay Manalad sa banwa sang Ilog, Negros Occidental, mga las 8:43 sang Miyerkules sang gab-i.Dead on arrival sa ospital si alyas “Vincent”, 26-anyos, isa ka Sangguniang Kabataan chairman sang Barangay Yaoyao sa banwa sang Cauayan nga naga-obra man bilang maestro sa isa kolehiyo sa Kabankalan City.Samtang, sini nga Huwebes sang kaagahon, nakabaton sang impormasyon ang Ilog PNP nga nagtaliwan sa ospital ang rider nga ginkilala kay alyas “Jonel”, 29-anyos, taga Ilog.Nagwa sa imbestigasyon nga nag-overtake sa isa ka salakyan ang Skygo nga motor nga ginamaneho ni alyas “Jonel” rason nga nagsaylo ini sa pihak nga la...

Jun182026 by Shiela Gelera-BragaNo Comments

Pagpangawat sang 90 ka mga bibe nakuhaan sang CCTV video

Balita Hiligaynon

Nagalibog ang ulo sang tag-iya matapos gintaban sang lalaki ang tricycle nga may karga nga 90 ka mga bibe nga nagabalor P22,000 sa Barangay Abuanan, Bago City.Alegasyon sang tag-iya sang mga bibe nga iya lang nga gin-park ang tricycle nga may unod nga mga bibe sa higad sang dalan, apang sa iya pagbalik, wala na ang tricycle pati na ang mga bibe.Ang gin-alegar kawatan, nakuhaan sang closed-circuit television camera footages nga nagamaneho sang nasambit nga tricycle kag naglabay sa Cansilayan sa banwa sang Murcia.Nadiskubrehan nga ang tricycle ang ginbaligya sa isa ka junk shop sa Bacolod sa balor nga P1,500, samtang ang mga bibe ang gin-dispose sa tig-P240 ang bilog.Padayon pa ang imbestigasyon sang Bago PNP sa insidente.*

Jun182026 by Romeo SubaldoNo Comments

Masobra sa 150 ka residente sang Candoni gintagaan sang libre nga theoretical driving course

Balita Hiligaynon

Ang Theoretical Driving Course ang isa sa mga requirements para makakuha sang student’s license ang isa ka persona kag yara sa P2,000 ang balayran para makasulod sa sini nga kurso.154 ka mga residente sang banwa sang Candoni ang naka kuha sag sini nga kurso sang libre pinaagi sa bulig sang talapatan ni 6th District Representative Mercedes Alvarez kag sang Driver’s Education Center sang Land Transportation Office Negros Island Region.Nagkadto mismo ang mga tiglawas sang LTO sa Candoni para didto ipatigayon ang duha ka adlaw nga driving course.Ginahimo ini sang LTO para ma edukar ang mas madamo nga mga pumuluyo para sa responsable nga pag maneho, para sa road safety kag mapahapos mapalab-ot sa pumuluyo ang serbisyo sang gobyerno.Masami may mga bungguanay nga nagakatabo sa dal...

Jun182026 by Richard Caballero JrNo Comments

Bacolod athletes nga nag compete sa Palarong Pambansa nagbaton sang cash incentives

Balita Hiligaynon

Kapin sa 1.8 million pesos ang kabug-usan nga pondo nga ginhatag sang siudad sang Bacolod sa mga atleta nga nag pakigbahin sa Palarong Pambansa 2026 sa Agusan Del Sur.May 12 ka gold medals nga nakuha ang mga taga Bacolod nga atleta kag tagsa ka medal ang ginbayluhan sang siudad sang 18,000 pesos.Samtang, 15,000 pesos naman ang cash incentive sang mga nakakuha sang silver medal kag 10,000 pesos naman para sa mga bronze medalist.Ginklaro ni Bacolod City Mayor Greg Gasataya, nga parehas nga kantidad nga ginbatun sang team sports kag individual sports kag ila mga coaches. Buot silingon, ang secondary volleyball girls sang NIR nga nakakuha sang silver medal, ang nakabaton man sang tig-15, 000 pesos kada isa.Nakuha sang first-timer nga 12 anyos nga grade 6 student nga si Sofia Ys...

Jun182026 by Richard Caballero JrNo Comments

Siudad sang Bacolod ginsaulog ang ika-88 nga Charter Day Celebration`

Balita Hiligaynon

Gindagsa sang masobra sa 3,000 ka mga jobseekers ang pinakauna nga Charter Day Job Fair sang Bacolod City kadungan sa pag-saulog sang ika-88 nga Charter Day Anniversary sang siudad.60 ka mga kompaniya, lakip na ang anum ka mga overseas companies ang nagpakigbahin sa amo nga job fair kag gintanyag ang masobra sa 7,000 ka mga job vacancies.Sandig sa record sang Public Employment and Services Office ukon PESO Bacolod, as of 12 noon, may 11 na ka mga jobseekers ang hired-on-the-spot.Hunyo 18, ginadumdom sang siudad ang paglagda ni anay Presidente Manuel Quezon sang Commonwealth Act 326 nga nagbun-ag sa siudad sang Bacolod.Las 6 sang Hwebes sang aga, ginabulubanta 500 ka mga salakyan ang nag pakigbahin sa ika-88 nga Charter Day Parade sang Bacolod City.Ginsiling ni Bacolod C...

Jun182026 by Shiela Gelera-BragaNo Comments

9 ka Coast Guard Personnel sa Negros Nagpositibo sa Iligal nga Droga

Balita Hiligaynon

Ginpaidalum sa random drug test ang 225 ka mga personnel sang Philippine Coast Guard sa Negros Island Region sang Miyerkules, Hunyo 17, kung diin siyam sa ila ang nagpositibo sa pag-gamit sang iligal nga droga.Ginsiling Commodore Christopher Auro, commander sang Coast Guard District Southern Visayas, ang personnel nga nag-positibo sa initial drug testing, ang igapaidalum sa confirmatory test. Kag kung liwat nga mag-positibo, sila ang ang magapangatubang sang administrative charges kag posible makakas sa serbisyo.Suno sa report sang Coast Guard District Southern Visayas, igapadala sa laboratory sa Region 6 ang urine samples sang mga personnel nga nagpositibo sa initial screening para sa confirmatory testing.Gin-administer sang Philippine Drug Enforcement Agency ang drug testing,...