Plete sa fast craft ang ginalantaw maga saka pa gid.
Suno kay Frank Carbon, consultant sang Weesam Express, una na sila nga nagpatuman sang 70 pesos nga saka sa plete sang naga hamboy pa lamang sa P100 ang kada litro sang diesel mga duha ka semana ang nagligad.
P740 ang one way sang first class subong kag P650 ang tourist class.
Karon yara na sa P130 ang litro sang diesel. Suno kay Carbon, ginapaabot nga magasaka pa gid ini.
Ila gina lantaw ang pagpatuman sang saka sa plete sa ika duha nga tion. Ila pa nga gina suma kag mahimo nga P20 to P30 pesos ang idugang sa plete.
Normal nga paabuton ang saka sa kadamuon sang pasahero sa kada Semana Santa kun ipaanggid sa normal nga adlaw, pero suno kay Carbon ang kadamuon sini nga Semana Santa indi na parehas sa nag liligad.
Para man gani maka kinot gin-reduce na sang Weesam ang ila nga trips, imbes nga apat ka round trips, tatlo na lamang ang ila nga gina patuman humalin Martes tubton Domingo. Lunes na lamang ang apat ka trips.
Kag mas gin pahinay ang speed. Tigaylo nga isa ka oras ang Iloilo-Bacolod-Iloilo karon naga lawig na ini sa isa ka oras kag tunga tubtob isa ka oras kag 50 minutos. Para tigayon maka kinot sa mga 20 percent sa fuel consumption.
Lakip sa panawagan sang business sector karon suno kay Carbon ang pag activate sang local price monitoring teams.
“Na anticipate namon indi ni siya mag untat sa P100 lang nga diesel sa pump price. Ang gin buhat pa gid namon, gin reduce namon ang amon fuel consumption by reducing our number of round trips instead of 4, 3 na lang. However, ang amon pag lantaw after the Holy week indi siya mag balik ang volume, basi we might be able to increase another 20 to 30 pesos siguro”, suno kay Carbon.*
[sibwp_form id=1]