Balita Hiligaynon

Calatrava PNP photoYara na sa state of decomposition ang bangkay sang 62 anyos nga si Temothea Bayarcal sang masapwan nga gintago sa cassava plantation sa Barangay Bagacay sa banwa sang Calatrava.Natabunan pa sang balas ang bangkay sang masapwan sang Lunes.Suno kay Police Lieutenant Sherwin Galupar, Deputy Chief sang Calatrava PNP, Disyembrer 1 ulihi nga nakita ang biktima nga isa ka buktot kag may problema man sa mata.Posible may foul play sa kamatayon sang biktima suno sa pulis bangud sa gintago ini kag gin tabunan sang balas.Ugaling si Galupar nagsiling nga wala na sang plano ang pamilya nga ipa autopsy ang bangkay sang biktima kag ila na lang ini nga ipalubong.

Siudad sang bacolod ang magapahanugot sang mga vendors sa pagbaligya sa Bacolod public plaza kag kasubong man mga manugbaligya sang palupok sini nga bulan sang paskwa.Suno kay Bacolod Mayor Evelio Leonardia, luyag niya nga hatagan sang kahigayunan ang mga vendors nga makabenta sini nga bulan agud makabawi sa epekto sang pandemya sini nga tuig.Pero dapat estrikto nga sundun sang mga vendors ang minimum health protocols para malikawan ang paglapta sang COVID-19.Ginpangayuan man sang siudad sang pahanugot ang Department of Interior and Local Government para masiguro nga wala sang pagsupak sa NIATF guidelines.Mahimo sa gihapon nga makabaligya ang mga firecracker vendors sa reclamation area basta ila lang pagasundun man ang iban pa nga mga requirements sang pnp may angut sa pagb...

Crispin Chua photoMakita sa litrato nga nagdasok ang isa ka ceres bus sa idalom sang Bata-Mandalagan flyover sa Bangga Pepsi sang magliko ini.Suno kay Police Staff Sargeant Bryan Cordero nga amo ang traffic investigator, wala na tantyar sang driver ang kataason sang iya ginadala nga bus bangud gamay nga bus lang ang iya ginadala kahapon.Suno sa imbestigador, mahimo naandan sang driver nga magliko sa amo nga bahin sang dalan gani sang iya pagliko gamit ang dako na nga bus, nagdasok ini kag naungot.Suno sa management sang Ceres bus wala naman sang pasahero ang bus sang amo nga tion kag wala man masamaran ang driver.Ang bintana lang ang nabuka.Wala man sang damage ang flyover suno sa PNP.

Police Station 7 photoGinsulod sang 4 armado nga kawatan ang Lumina Subdivision sa Vista Alegre kaina sang kaagahon.Sa imbestigasyon sang Police Station 7, sa likod nga bahin sang subdivision nag agi ang mga kawatan kag sila ang nag rekta sa homeowners office.Wala man may nakuha nga kwarta suno sa pulis antg mga kawatan kundi ang gamit lang sang isa ka gwardiya.Suno sa PNP, gin tayaan sang armas sang mga kawatan ang isa security guard nga si David Albarquez kag ginkuha sang mga armado ang iya 38 caliber revolver, radio handset kag kahita.Ila pa natiruhan sa tiil si Albarquez matapos mag bato ang mga upod nga guwardiya sang biktima.Padayon pa sa karon ang imbestigasyon sang kapulisan sa pagkilala sa mga suspek.

Siudad sang Bacolod ang nagpahanugot na sa hinyo sang Diocese of Bacolod nga adjustment sang night curfew para mahatagan sang ligwa ang paghiwat sang simbang gabi.Suno kay Bacolod Mayor Evelio Leonardia, may ginadihon na karon sa sangguniang panlungsod nga ordinansa para himuon na lamang nga 11pm tubtob 3am ang curfew sa siudad humalin Disyembre kinse tubtub trentay uno.Ini agud magluwas nga makahiwat sang simbang gabi ang simbahan katoliko, mahatagan man sang dugang nga tini-on ang publiko nga makagwa sa ila balay para makasaulog sang paskwa kag bag-ong tuig.Pero ginpahayag sang alkalde nga dapat estrikto gid nga pagasundon ang minimum health protocols sa sulod sang simbahan kag mga lugar nga ginakadtuan sang mga pumuluyo para magsaulog sang paskwa.Maga deploy ang Bacolod ...

Mahimo sa Disyembre 20 may resulta na ang preliminary investigation nga gina patigayon sang Provincial Legal Office karon angut sa pag pa gwa sang pila ka mga public documents sa idalom sang talatapan sang Provincial Treasurers Office.Suno kay Atty Alberto Nellas, Jr., ang Provincial Legal Officer sang Negros Occidental, nabatun na nila ang sabat ni anay Provincial Treasurer Nilda Generoso sa show cause order nga ginpapanaog sa iya angut sa ginasiling pag pa gwa sang mga dokumento sa Treasurer’s Office sang isa ka job order worker gab-i sang Nobyembre 26.Mismo si Provincial Administrator Rayfrando diaz ang nakasugata sa amo nga JO worker.Damlag pa ginsiling na ni Diaz nga ginpahayag ni Generoso nga wala sya sang kahilibtanan sa pag pa gwa sang mga dokumento nga naga lakip sang ...

BCPO photosGindakop sang kapulisan ang 31 anyos nga call center agent nga si Felix Feria matapos makuhaan sang armas sa sulod sang iya salakyan kagab-i.Siya ang nadakpan sa Reclamation area upod ang isa ka babayi nga iya upod nga call center agent, nga nangayu naman sang bulig sa otoridad.Suno kay Police Captain Leo Estopa, ang 23 anyos nga babayi ang nag pabalo sa iya abyan nga mangayo sang bulig sa pulis bangud ginpilit siya nga dal-on sa reclamation area ni Feria.Mapadul-ong lang kun tani pauli sa ila balay ang babayi ugaling siya ang gindala sa reclamation area kag iya nakita nga may pusil pa ang suspek.Pag responde sang pulis, na recover ang .45 caliber pistol sa kay Feria nga may tatlo pa ka bala.Siya ang gin detain sa Police Station 2.

Photo courtesy of Em AngNagpadala na sang sulat ang Bacolod Emergency Operations Center sa Regional Inter Agency Task Force sang sulat parad maghinyo sang moratorium sa pagbaeton satng mga Locally Stranded Individuals sa siudad humalin sa Disyembre 21 tubtub Enero 2 sa madason nga tuig.Suno sa Deputy for Medical sang Bacolod EOC nga si Dr. Chris Sorongon, nagpangayo sila sang moratorium para madisinfect kag ma-rehabilitate ang mga isolation facilities sang siudad kag para makapahuway man ang mga health care workers.Dugang pa gid ni Sorongon nga ti-on man ini para mahanda ang mga isolation facilities sa pagsulod sang bag-ong tuig kun sa diin ginapaabot ang pagdagsa sang madamo nga mga magapinauli nga LSI.Ginpahayag naman ni Bacolod EOC Executive Director Em Ang nga ang mga L...

Si Vice Mayor El Cid Familiaran ang naga paandam sa mga coffee shop, restaurants kag mga establisimento komersyal nga indi basta basta magpati sa mga naga tawag kag naga pakilala nga iya staff kag naga order sang kun ano ano nga mga pagkaon, kape kag iban pa.Ini matapos nga may pila ka mga commercial establishments nga gin saskuhan order sang nagpakilala nga iya staff bisan wala siya ukon ang iya mga tawo sang may gin order.Suno sa bise alkalde makaluluoy ining mga magagmay nga negosyante kay wala pa gani maka bawi sa epekto sang pandemic gin saskuhan pa.Naga panugyan si Familiaran sa mga mahimo tawgan kag orderan nga makig angut anay sa iya facebook account ukon magtawag sa iya opisina antes magpreparar sang order ukon mag deliver para malikawan ang sasko.