Amat-amat na nga nabatyagan ang epekto sang pagmahal sang presyo sang gatong sa lokal nga turismo.
Suno kay Governor Eugenio Jose Lacson, sa iya nga obserbasyon sa iya nga kada pag labay Don Salvador Benedicto sa kada weekend, sa iya nga pag padulong sa San Carlos City, nag diutay na ang mga naga sayo sa banwa.
Sadto basta weekend gina dugok sang mga bisita ang DSB ayhan sang mga naga paliwa-liwa, naga pangape ukon mga motorcycle riders.
Suno kay Lacson iya namutikan nga nagdiutay na. Damlag pa ginpahayag na sang gobernador nga tuga sang pag timbook sang presyo sang langis isa sa mga gina lantaw ma apektuhan ang lokal nga turismo dala na sang pag kinot sang kadam-an kag pag prioritize na lamang sang mga essential travels.
Damlag pa ginsiling na ni Lacson, bisan gani mga maga bisita sa Panaad sa Negros Festival nga gikan out of town suno kay Lacson ang mahimo nga ma apektuhan man.
Suno kay Frank Carbon, sang Philippine Chamber of Commerce and Industry, 70 to 80 percent sang gina gasto sang konsumedor ang naga kadto sa iya nga pagkaon kag transportation, gani wala na sang budget para sa mga non-essentials.*
[sibwp_form id=1]