Tuesday, November 17

Mga hayub-hayub liwat na naman nga gintukod sa Lacson Street

Matapos nga ginpahalin sang Bacolod Department of Social Service and Development ukon DSSD ang apat ka pamilya nga nagpatukod sang hayub-hayub sa 4th-Lacson Streets sang tinalikdan nga bulan, liwat na naman sila nga nagbalik sa amo nga dalan suno sa DSSD.

Ginsiling ni Richelle Verdeprado-Mangga, pamuno sang DSSD nga duha sa apat ka pamilya ang indi man taga Bacolod. Gindul-ong na sang DSSD ang amo nga mga pamilya sa ila nga lugar, apang sang tinalikdan nga semana, liwat na naman sila nga nakit-an sa Bacolod.

Suno kay Mangga, masami nga nagabalik ang mga ini sa amo nga dalan bangud dira na sila naga pangabuhi paagi sa pag pangalimos kag pag barker sa mga salakyan.

Dugang pa niya, may duha man ka pamilya nga taga Bacolod ang dira naman nagatulog sa dalan kag makapila naman ka beses nga ginpahalin.

Ginkuha naman sang DSSD sa paghinakup sang iloy nga naga-istar sa amo nga dalan ang iya nga months-old palang nga baby agud masiguro nga healthy kag safe ini. Suno kay Mangga, ika-duha na ka beses nga nakuhaan sang bata ang amo nga iloy.

Gin-warningan na sa liwat sang DSSD ang apat ka pamilya nga maghalin na sa lugar bangud ginadumilian nga magtulog sila sa dalan sandig sa ordinansa sang Bacolod.

"Amo na sa nga sa aton ordinance, naga-appeal kita sa public nga gina discourage gid sang city nu nga maghatag sila kay para magdutay man bala ang ma encourage, para indi sila ma encourage nga magtinir kay wala sila income but subing damo gid ang gaka earn nila amo na nga gadamo sila kay gaka encourage sila”, suno kay Mangga.

[sibwp_form id=1]
Secured By miniOrangeSecured By miniOrange