Balita Hiligaynon

Raffy Cabristante photoNag negatibo sa COVID-19 ang tanan nga mga probable kag suspected patients sa Dumaguete City nga ginpaidalom sa mass testing sa siudad kahapon.Ang 610 ka mga ginpaidalom sa antigen testing ang kalabanan mga direct contacts sang mga nag positibo sa COVID-19 pati na mga frontliners.Suno kay Dumaguete City Mayor Felipe Remollo, dako nga bulig ang ginpatigayon nga mass testing kahapon ilabi na sa ginahimo nga contact tracing kag prevention sang siudad sang paglapta sang virus.“The antigen testing, which is a National IATF recognized substitute for RT-PCR, is very timely and has complimented and enhanced our contact tracing efforts,” pahayag ni Remollo.Samtang, may 23 naman ka bag-o nga kaso sang COVID-19 sa bug-os nga Negros Oriental.Kalabanan sin...

Base sa pinaka ulihi nga Severe Weather Bulletin sang PAGASA, nagapadulong sa Northwest nga direksyon ang tropical depression nga si Quinta nga may kadasigon nga 30 km/h, maximum sustained winds nga 55 km/h malapit sa sentro kag may pagmadlos nga tubtub 70 km/h.Ginpaidalum na sa Tropical Cyclone Wind Signal number 1 ang Catanduanes.Ginapaabot si Quinta nga mag landfall sa Bicol Region bwas nga adlaw tubtub sa Lunes sang aga pero magadala man sang pag ulan sa iban nga bahin sang Visayas kag Mindanao.Nagapaandam man ang PAGASA sa publiko nga mag ulu-aligmat sa flash floods, landslide, mabalud nga kadagatan kag pugada.

Makapila ka beses man nga nagtinguha sa pagpa register sa BacTrac si Elenesa Abong pero napaslawan siya bangud sa masami indi siya maka connect.Kun may makatabang man lamang sa iya mas maayo."Bisan nano namon kasal-ot indi kami kasulod. siling namon patawhayan lang anay namon. ma avail lang ko kun padali," suno kay Abong.Sa social media madamo sang nagatanyag sang ila nga serbisyo - bulig sa registration kag bayaran lamang ang printing kag lamination.Suno kay City Administrator kag EOC executive director nga si Em Ang basta wala sang pagpanukot sa registration, wala man sang may ginasupak ini."We always inform public that registration is for free. May iban da ya ga charge for printing, for laminating, te ila na ya siguro service for that," suno kay Ang.Ginpakamaayo ...

Bacolod City Comelec ang may bag-o na nga election officer.Si Atty. Kathrina Trinio-Cana ang gin appoint nga election officer sang Bacolod effective October 21.Siya ang nagtal os kay Judge Mavil Majarucon-Sia matapos nga nag biya ini sa pwesto.Antes kay Trinio-Cana, nagserbe man nga acting election officer sang Bacolod si Atty Jan Anthony Saril.Suno.kay Trinio-Cana sa karon padayon ang registration sang Comelec kag ginatutukan man nila ang consolidation sang application for registration.Antes sa Bacolod, election officer si Trinio-Cana sang Bago.

Pagsulod sang northeast monsoon ukon amihan sa pungsod ang ginapaabot nga magdala sang maulanon nga panahon.Suno sa PAGASA, mahuyang na karon ang epekto sang habagat ukon southwest monsoon sa pungsod kag naga amat-amat na sugod ang amihan.Kadungan man sang ini nga pagkambyo sang huyop sang hangin ang maulanon nga panahon bangud sang nagaluntad nga La Niña phenomenon.Gani nagapanugyan ang pagasa sa publiko nga mangin handa kag mag-ulualigmat sa mahimo pagluntad sang mga pagbaha kag flashflood sa masunod nga mga binulan.Samtang Bagyo pepito ang yara na sa gwa sang Philippine Area of Responsibility.

Sandig sa pagtuon, ang mga kabataan nga nagalantaw sang TV ukon naga atubang sa gadget sang cmasobra sa duha ka oras kada adlaw ang may negatibo nga epekto sa ila thinking kag language skills.Gani para sa child psychiatrist nga si Dr. Jocelyn Gayares, dapat nakahibalo ang mga ginikanan sang husto nga paggamit sang mga kabataan sang gadget sa ila nga pagtuon.Para indi maguba ang ila mga mata, sundon ang ginatawag nga 20-20-20 rule.“Kada 20 ka minutos nga ara sila sa ila nga gadget sa online man na nila nga pag eskwela, kakson gid ang ila mga mata or papahuwayon ang ila mga mata for 20 seconds kag mag tan-aw anay sa malayo, 20 meters away, bag-o nila liwat ibalik ang ila mga mata sa ila nga mga screen or sa pagtan-aw sa ila mga teacher nga nagatudlo online,” suno kay Gayares....

City file photoKaron nga natapos na ang swab testing sang mga market vendors sa siudad, tuyo sang Bacolod Emergency Operations Center nga ipaidalum man sa surveillance testing ang iban pa nga mga sektor bilang pagpanghanda sa pag-downgrade sang siudad sa modified general community quarantine.Suno sa executive director sang Bacolod EOC nga si City Administrator Em Ang, plano nila nga unahon nga ipaidalum sa swab test ang mga health care workers.“Unahon ta siguro ang aton mga health care workers kay sila gid na ya ang exposed every single day, exposed sila sa aton nga mga isolation facilities, for example our quarantine facilities, those who are working in our BRO center and other areas sa City Health, our BHERTS,” suno kay Ang.Ipaidalum man sa libre kag voluntary nga RT-PCR ...

Padayon sa karon ang pag pangita sang kapulisan sa inmate nga si Rico Layan nga naka palagyo gikan sa Moises Padilla Police Station sadtong Oktubre 14.Suno kay Police Lieutenant Wilma Silva, deputy PIO sang NOCPPO, humalin sa P20,000 gin himo na P35,000 ang reward para sa makadtudlo ukron makadakop sa naka palagyo nga inmate.Si Layan nga suspek sa kaso nga murder ang nag reklamo sang palanakit sang dughan kag hilanat sadtong Oktubre 14 sang aga kag sang makakita sang tiempo iya ginpalagyuhan ang mga pulis.May team sa karon ang PNP sa banwa nga naga tutok sa pag pangita sa suspek.

Raffy Cabristante photoGinabulubanta 400 ka mga suspected kag probable COVID-19 patient ang gin paidalom subong nga adlaw (October 23) sa targeted mass testing sa Dumaguete City.Suno kay Mayor Felipe Remollo, ginpatigayon ini nga mass antigen testing matapos may mga residente sang siudad nga nag positibo sa COVID-19 bangud nalatnan sang isa ka APOR nga COVID-19 positive.Ang mga residente nga gin lockdown sa ila mga balay bangud naka contact sa mga nag positibo amo ang gin prioritize sang siudad suno kay Remollo.Ila man ipaidalom sa antigen test ang mga frontliners lakip na ang mga detainees sa Dumaguete PNP nga igasaylo sa city jail.May ara man sang simultaneous mass testing sa siudad sang Bayawan pati na sa banwa sang Valencia kag Zamboanguita.

City PIO file photoMga isa na lang ka semana nga magapabilin sa Bacolod si Visayas Inter Agency Task Force Chief Implementor Major General Feliciano kag ang iya nga team bangud suno sa iya makabig na nga estable ang sitwasyon diri.Sa naga pabilin nga mga inadlaw naga paabot siya nga mas maganubo pa gid ang kadamuon sang COVID-19 positive sa Bacolod. Kahapon trese ang dugang nga positive cases kag apat naman sang tinalikdan nga adlaw.Suportado niya ang gina hingyo sang lokal nga panguluhan sang bacolod nga idowgrade na sa modified general community quarantine ukon MGCQ ang siudad.Isa sa mga gina monitor man karon sang IATF nga mga LGU sa Negros Occidental amo ang Victorias City bangud may pagsaka sa kadamuon sang kaso sang COVID-19. kaina nagtambong sa pagsinapol sang emerge...