Shadow

Mga pumuluyo nga wala pa maka pa rehistro sa BacTrac ang sarang na makapangayo sang bulig sa ila nga mga barangay

Makapila ka beses man nga nagtinguha sa pagpa register sa BacTrac si Elenesa Abong pero napaslawan siya bangud sa masami indi siya maka connect.

Kun may makatabang man lamang sa iya mas maayo.

“Bisan nano namon kasal-ot indi kami kasulod. siling namon patawhayan lang anay namon. ma avail lang ko kun padali,” suno kay Abong.

Sa social media madamo sang nagatanyag sang ila nga serbisyo – bulig sa registration kag bayaran lamang ang printing kag lamination.

Suno kay City Administrator kag EOC executive director nga si Em Ang basta wala sang pagpanukot sa registration, wala man sang may ginasupak ini.

“We always inform public that registration is for free. May iban da ya ga charge for printing, for laminating, te ila na ya siguro service for that,” suno kay Ang.

Ginpakamaayo sang siudad nga ipaidalom sa training ang mga tiglawas sang kada barangay para maka bulig sa pumuluyo nga wala pa maka parehistro.

Sa Barangay Tangub may mga nagpadulong na kag naghinyo sang bulig pero suno sa OIC nga si Luz Atienza sa masunod pa nga semana mahimo sila makasugod bangud natalana pa mag paidalom sa training ang mangin in charge.

“Ma seminar sa Monday. Kun magkadto di sila ya, libre sila ya,” suno kay Atienza.

As of October 20, 247,212 na ang naka parehistro sa BacTrac.

Leave a Reply

Your email address will not be published. Required fields are marked *

Secured By miniOrangeSecured By miniOrange