Ginapangabay ni Bacolod City Mayor Greg Gasataya ang publiko kag mga negosayante sa siudad nga mag ugyon sa pag pabilin sang katinlo sang palibot kag mangin responsable sa paghaboy sang basura, ilabi na nga ginahiwat sa karun ang MassKara Festival.
Ini kasunod sang pagkadakop sang duha ka mga persona nga nagahaboy sang basura sa indi insakto nga halaboyan sa Barangay Bata sang Martes nga trabahante sang isa ka restaurant.
Matapos ang insidente, ginpatawag sang Bacolod City Environment and Natural Resources Office ukon BENRO kag Environmental Management Bureau ang tag-iya sang amo nga restaurant.
Gin-ako man sang restaurant ang ila nga sala kag nagpromisa nga indi na maliwat pa ang amo nga insidente.
Sa karun, nagapanawagan si Gasataya sa mga negosayante nga magbulig sa pagpabilin sang katinlo sang siudad kag ibutang sa insakto nga dumping sites ang mga basura agud mahakot ini sang garbage collector.
Dugang niya, apisar sa pagsaka sang presyo sang gatong, wala nagpasaka sang sukot ang ISWIMS nga garbage collector sa siudad.
[sibwp_form id=1]