Nagahugas sang ila tricycle sa vendo carwash ang 26-anyos nga amay upod ang iya apat ka tuig nga bata sang sila ang gindalasa sang salakyan sa Purok Taytay, Barangay Oringao sa Kabankalan City, Miyerklues sang aga.
Naguyod pa sang mini-SUV ang mag-amay tubtob nakabunggo ang salakyan sa isa ka balay.
Dead on arrival sa ospital ang bata samtang pilason ang iya amay, nga naga-obra bilang poultry helper.
Nagwa sa imbestigasyon sang Kabankalan PNP nga gikan Dumaguete City ang mini-SUV, ginamaneho ni alyas “Marvin”, 39-anyos sang Pasig City.
Suno sa driver nga gindala sa Kabankalan PNP, natulogan siya samtang naga-drive rason nga naglapaw ang salakyan sa higad sang dalan. Sila ang padulong kuntani sa Bacolod City.
May pila man ka tigulang nga yara sa gwa sang nabungguan nga balay ang maswerte nga nakadalagan, antes pa man nakabunggo ang salakyan.
[sibwp_form id=1]