Shadow

Miyembro sang drug group kag Top 7 sa drugs watchlist sang Himamaylan, patay matapos tiruhon sang riding in tandem

Himamylan PNP photo

Patay ang tricycle driver nga si Rolyn Guttierez matapos siya tiruhon sang riding in tandem kahapon sang hapon (October 20) sa Barangay 4 sa siudad sang Himamaylan.

Ang biktima nga si Guttierez ang Top 7 sa drugs watchlist sang Himamaylan PNP kag siya ang gina alegar miyembro man sang Bugalon Drug Group.

Suno sa deputy chief sang Himamaylan PNP nga si Police Lieutenant Alfred Mansoy, nagamaneho ang biktima sang iya tricycle kag siya ang may isa pa ka pasahero nga padulong kun tani sa sa merkado sang hinali na lang tiruhon si Guttierez sang riding in tandem.

Patay na siya sang nag abot sa ospital bangud sang igu sang bala sa ulo kag sa tiyan.

Wala naman masamaran ang iya pasahero.

Nakuha ss crime scene ang duha ka empty shell sa .45 caliber pistol.

Posible may kaangtanan sa iligal nga droga suno sa pulis ang motibo sa pagpatay sa biktima.

Ginahibalo pa karon sang PNP kung sino ang yara sa likod sa pagpatay kay Guttierez.

Leave a Reply

Your email address will not be published. Required fields are marked *

Secured By miniOrangeSecured By miniOrange