Shadow

Lima ka PDEA agents, brgy official kag mediaman sa Dumaguete, gin cite sang indirect contempt sang korte bangud sang ‘fake buybust operation’ sa siudad

Gin dismiss sang korte ang kaso nga ginpasaka sa lima ka mga gina alegar drug suspects sa siudad sang Dumaguete ini matapos makita sa CCTV footage nga wala ini naga santo sa gina hambal sang mga PDEA agents sa matuod nga natabo nga buybust.

Ang gina siling nga buybust ang nagluntad Hunyo sini nga tuig sa Dumaguete City.

Base sa court order, nakita sa ebidensya nga iligal ang pag aresto sa lima ka mga akusado.

Sa pahayag sang mga arresting officers, sila ang palareho nga na aresto sa balay sang isa ka asukado paagi sa buybust operation pero base sa CCTV footage, ginpamatuod sini ang pahayag sang mga akusado nga sila ang gin pickup sang PDEA agents sa nagkalain lain nga mga lugar kag sa nagkalain lain nga oras kag sila ang gindala lang sa balay sang isa sa mga akusado.

Ginmando sang korte nga i release ang mga akusado bangud sang iligal nga pag aresto.

Ipaidalom sa indirect contempt proceedings ang lima ka mga PDEA agents kag duha ka witness nga isa ka barangay official kag media man.

Ang mga agents amo sanday SI II Nelson Muchuelas, IO 1 May Ann Carmelo, IO 1 Jose Anthony Juanites, IO 1 Cheryl Mae Villaver, kag IO II Realyn Pinpin.

Sila ang paga imbestigaran man sa posible criminal kag administrative liabilities.

Secured By miniOrangeSecured By miniOrange