Shadow

Siudad sang Bacolod nagpangayo sang pasaylo sa LSI nga ginhatagan sang sala nga result sang iya swab test

Isa ka oversight kag honest mistake sa bahin sang Bacolod Emergency Operation Center ang natabo nga paghatag sang sala nga swab test result sa isa ka Locally Stranded Individual nga nag abot sa Bacolod City sang nagligad nga Oktubre 10.

Ginpahayag ni Bacolod Mayor Evelio Leonardia nga personal niya nga gintawgan si Jonathan Espinosa kag nagpangayo sang pasaylo bangud sang misreading nga natabo sa EOC bahin nga nagresulta sa paghatag sang sala nga swab test result sa iya kag nagpahanugot sa iya nga magpauli sa iya pamilya.

Oktubre 9 sang ginpahanugutan si Espinosa nga makapauli na sa iya pamilya bangud negatibo ang iya swab test result pero sang gab-i gintawgan siya sang barangay kag ginhambala nga positibo ang iya swab test kag ginpabalik siya sa quarantine facility.

Ini ang nagtuga man sang pagka-home quarantine sang iya pamilya.

Gindugang pa sang alkalde nga bangud sang natabo sa kaso ni Espinosa, ila ginpangayuan sang paathag ang nurse nga in-charge sa quarantine center kag may mga adjustments nga ginhimo ang EOC sa ila nga sistema agud indi na maliwat ang kasubong nga sayup sa pagpagwa sang resulta sang swab test sang mga LSI.

Leave a Reply

Your email address will not be published. Required fields are marked *

Secured By miniOrangeSecured By miniOrange