Shadow

Baligyaanay sang inugbulang nga manok nagnubo sa 97 por siento

Humalin pa sang Pebrero apektado na ang gamefowl industry sang probinsya.

Suno kay Dr. Renante Decena, ang Provincial Veterenarian, sang nagligad nga tuig yara sa 15,000 tubtob 20,000 ka mga inugbulang nga manok ang ginapa gwa halin sa Negros Occidental sa tagsa ka bulan.

Karon base sa datus, suno kay Decena yara na lamang sa 500 tubtob 600 ka mga inugbulang nga manok ang ma ship out, ukon 3 porsiento lamang sa kadamuon kun ipaanggid sa nagligad nga tuig.

Tuga sang pandemya gin-suspend ang mga bulang.

Ang Negros Occidental kilala sa mga inugbulang sini nga manok kag ini ang isa 5 billion peso industry.

Pero indi lamang ang mga breeders ukon ang mga naga negosyo sang inugbulang nga manok ang apektado.

Nadulaan man sang palangabuihan ang mga gamefowl handlers. May 30 tubtob 40 ka mga gamefowl handlers sa airport.

Naigo man ang mga naga negosyo sang feeds kag bulong para sa manok.

Bisan gani ang gina ganar sang probinsya paagi sa mga fees nga gina sukot nagsarurot man.

“We are earning as much as half million a month. 350,000 up to half a million a month. Subong ang income namon naga dalagan na lang siya 12,500 pesos. Sa fees na siya 25 pesos per head. Inspection fees and permit ang licenses. Ang ika duha ang livelihood and employment,” suno kay Decena.

Secured By miniOrangeSecured By miniOrange