Balita Hiligaynon

Jundel Lorecho photoGin klaro sang pamuno sang Police Station 3 nga si Police Captain Richard Fajarito nga indi matuod ang nagalapta sa social media nga kuno gin hit and run ang isa ka biker sa gwa sang Mt. View Subdivision sa Barangay Mandalagan kagab-i.Ang biker suno sa pulis, ang natumba lang bangud sang kahulugbon.Siya ang nag agum sang pilas sa ulo bangud sang pagkatumba.Gindala naman lang puli sang iya misis ang biker suno sa pulis.Pero nanindugan naman ang nag post sang litrato nga si Jundel Lorecho nga gin hit and run ang biker.Isa ka Montero Sport nga itom suno sa iya ang nakabunggo kag gin lagas pa gani ini sang naga dala sang motor pero wala na maabtan.

Task Force Disiplina photoTask Force Disiplina sang siudad sang Bacolod ang wala pa anay nagapang-issue sang citation ticket sa mga persona nga wala nagasuksuk sang face shield sa mga pampubliko nga lugar.Suno sa pamuno sang task force nga si Wilfredo Geolingo, nagapatigayon sila anay sang information-dissemination sa publiko tuhoy sa bag-o nga ordinansa nga nagamando sa pagsuksuk sang face shield sa mga pampubliko nga lugar magluwas sa face mask kag pagsunod sa social distancing.Pero sa madason nga semana, pagasugdan na sang task force ang pag-issue sang citation ticket sa mga wala sang face shield.Sa idalum sang ordinansa, may yara sang pagabayaran nga multa ang madakpan sang task force nga wala gasuksuk sang face mask, face shield kag wala gasunod sa social distancing....

BFP photoIsa ka commercial building sa Galo Street sa Barangay 20 sa Bacolod ang nasunog kaina sang aga.Totally destroyed ang building samtang nasunog man ang bahin sang katupad sini nga isa man ka building.Suno kay Fire Chief Inspector Publio Plotena, Bacolod City Fire Marshal, ang kalayo ang nagsugod sa ika duha nga panalgan sang building.Ginausisa pa sang BFP kun ano ang ginhalinan sang sunog.Ginabilubanta P150,000 ang halit sang sunog suno sa BFP.

Quarantine facility sa Barangay Alijis sa siudad sang Bacolod sa madason nga tuig pa magamit bangud indi pa ini handa kag padayon pa nga gina obra sang City Engineer’s Office.Suno kay Bacolod Emergency Operations Center Executive Director kag City Administrator nga si Em Ang, mahimo sa first quarter pa sa madason nga tuig magamit ang isolation facility bangud magluwas nga wala pa ini sang kaugalingon nga linya sang kuryente kinahanglan pa nga kay-uhon ang dalan pakadto sa lugar.Ginpahayag ni Ang nga indi pa man karon kinahanglan ang amo nga facility bangud madamo pa sang bakante nga mga isolation rooms sa mga eskwelahan sa siudad nga nagaserbe nga quarantine facility para sa mga COVID-19 patients.Pero sumugod sa Enero sa madason nga tuig indi na magamit ang mga eskwelahan bilan...

May 14 ka na record sang COVID-19 case sa sulod lamang sang napulo ka adlaw sa Hacienda Sta. Teresa suno kay EB Magalona Mayor Marvin Malacon.Ini ang rason suno sa alkalde sang pagpatuman sang granular lockdown sa lugar sa sulod sang pito ka adlaw, ukon maga depende naman sa mangin resulta sang swab test.Patigayunon man ang mass testing subong nga adlaw. Ang tanan nga pumuluyo ipaidalom sa testing suno sa alkalde.Suno kay Malacon ini ang kabahin sa mga tikang nga ginpatuman para malikawan ang paglapta pa gid sang virus sa banwa.Dugang pa ni Malacon, ang mga pumuluyo, apesar sang sulit sulit nga pahanumdom ang wala nagasunod sang mimimum health protocol kasubong sang pag gamit sang mask.May iban gani naga balhin balhin pa sang lugar.May dialysis patient gani suno kay...

Police Station 8 photoGindakop sang ka gab-i ang tatlo ka mga persona matapos makuhaan sang masobra 20 ka bulto sang gina patihan shabu sa buybust operation sa pagpanguna sang PNP Drug Enforcement Group sa Scorpio Street sa Barangay Singcang-Airport.Subject sang buybust amo si Jun Mark Ibe. Naaresto man ang iya live-in partner nga si Regine Arroz kag kabulig nga si Shiela Mhary Balarao.Nagabug-at sang kapin 2 ka kilo ang nakuha nga suspected shabu kag ginabulubanta nagabalor sang P13,600,000.Suno kay Police Captain Jun Ray Batadlan, hepe sang Police Station 8, si Ibe ang nagabaton sang items nga ginapadala gikan Manila paagi sa courier service kag iya man ini dasun ginapadala. Ang iya bulig nga si Balarao ang iya ginapabaton kag gina pa padala sang items suno kay Batadlan. ...

Hinigaran PNP photoPatay ang duha ka lalaki nga naga angkasanay sa motorsiklo matapos maka bunggo sa naga parking nga truck sang kagab-i sa highway sa Barangay Gargato sa Hinigaran.Ang mga napatay ginkilala nga sanday Janu Yunsal kag Chrismichu David.Suno sa hepe sang Hinigaran PNP nga si Major John Ganzon, posible nga maovertake kun tani ang rusi nga motor nga ginadala sang biktima ugaling mahimro nga na alang alang ini kag nag rekta sa naga parking nga truck.May early warning device man ang truck suno kay Ganzon.Ang naga sunod nga kawasaki nga motorsiklo ang natumba man matapos mabungguan ang natumba nga motor nanday Yunsal kag David.Pilason ang duha ka naga angkasanay sa kawasaki.Sanday Yunsal kag David ang patay na sang mag abot sa ospital.