Balita Hiligaynon

TF Botagoy photoIsa ka inspection ang ginpatigayon sang Task Force Botagoy kag City Veterinarian Office sa isa sa mga branch sang Puregold sa Libertad Market sa Bacolod City sini nga aga kun sa diin ila natkit-an ang kapin 300 ka kilo sang expired nga imported nga karne sa ila storage room.Suno sa task force kabahin sang routine inspection ang ila ginhimo kag wala man sang salabton ang tagdumalahan sang supermarket bangud wala man naka display ang mga expired nga karne.Ginsiling sang tagdumalahan sang Puregold nga yara sa ila cold storage ang amo nga mga karne bangud wala pa makuha sang ila supplier matapos nila ginpull out ini sa ila baligyaan sang mag expire na.

Ruel Bangoy photoPatay ang 34 anyos nga si Leonardo Garcia matapos tiruhon sang wala pa makilala nga persona kagab-i sa Barangay Sta Rosa sa banwa sang Murcia.Suno kay Police Lieutenant John Paul Tabujara, OIC sang Murcia PNP, naga pungko lang sa gwa sang ila balay upod ang iya 10 ka tuig nga anak si Garcia sang mag abot ang lalaki nga sakay sa motor.Nagbakal ang lalaki sang gasolina nga ginabaligya nanday Garcia kag matapos baligyaan, suno sa pulis gilayon nalang gin tiro sang makapa pila ka beses sang suspek si Garcia.Apat ka basiyo sang calibre 45 ang na recover sa crime scene.Patay na sang mag abot sa ospital si Garcia.Ginalantaw karon nga motibo sang PNP amo ang away sa pamilya.Suno abi kay Tabujara, may bayaw si Garcia nga ila sadto gin pa preso bangud san...

Patay ang 30 anyos nga backrider nga si Karen Lee Torres samtang pilason naman ang iya live-in partner nga si Janmark Yucor matapos mahulog sa pil-as sa kilid sang dalan ang ila motorsiklo sa banwa sang Valencia, Negros Oriental.Sandig sa imbestigasyon sang Valencia PNP, naga dalagan sa dalan ang motor kag sang maglab-ot sa kurbada nga rbahin sang highway, nadulaan sang control si Yucor sa motor bangud sang kadanlog sang dalan kag sila ang nahulog sa pil-as.Lunsay wala sang helmet nga suksok ang duha gani sila nag agum sang mga samad sa ulo.Dead on arrival sa ospital ang angkas nga si Torres.Si Yucor naman ang sa karon padayon nga gina bulong pa sa ospital.

BCPO photoPatay ang 17 anyos nga si Bobby Delos Santos ukon alyas RJ matapos siya matiruhan sang wala pa makilala nga persona kaina sang kaagahon sa Purok Bayanihan sa Barangay Villamonte sa Bacolod.Base sa inisyal nga imbestigasyon sang Police Station 4, nakit-an nga nagadalagan ang biktima sang gilayon na lang siya gin tiro sang suspek.Nag agum sang madamo nga igu sang bala si Delos Santos.Ang biktima nga menor de edad ang suno sa PNP ginakabig nga isa ka notorious akyat bahay.

May 176 na ka mga barangay sa Negros Occidental ang drug cleared sa 601 ka mga barangay sa probinsya.Ini sandig sa datus sang Philippiine Drug Enforcement Agency. Suno kay Board Member Juvy Pepello, may 31 pa ka mga barangay ang inug deliberate pa base sa datus sang PDEA.Suno kay Pepello nga presidente sang Liga ng Barangay sa probinsya, ang mga barangay ang lubos nga naga suporta sa kampanya konta iligal nga droga pero nagapabilin nga pagpanghangkat amo ang kakulba sang pila sa mga pumuluyo sa pag tudlo ukon pag hatag sang impormasyon nga basi mabalikan sila.Samtang, ang kampanya kontra iligal nga droga ang mas ginpasangkad nga nagalakip sang pakontes sa info graphics kag multimedia drug education campaign kun sa diin si Gwyneth Lambot sang Candoni ang nangin madinalag-on. sun...

Cadiz PNP photoPadayon pa tubtob sa karon ang maid-id nga imbestigasyon sang Cadiz PNP sa natabo nga pagtiro kag pagkamatay sang pulis nga na assign sa Sagay City Police Station nga si Police Staff Sargeant Bernie Sales.Suno abi kay Cadiz PNP chief Police Major Robert Mansueto, indi pa klaro kun ano ang natabo nga nagresulta sa paglupok sang armas sang pulis.Base sa ila initial nga investigation, ululupod pa inom sanday Sales kag ang suspek nga babayi nga iya asset upod sang duha pa gid ka lalaki.Sang papuli na kun tani si Sales suno kay Mansueto, ginpunggan siya sang babayi para mag inom pa.Base sa ila mga upod naga sunluganay man lang ang duha suno sa ila pero sa wala madugay gulpi na lang nag lupok ang armas ni Sales.Makita man sa CCTV suno kay Mansueto nga ang d...

Bacolod Mayor Evelio Leonardia ang nagpasalig nga matigayon gid ang pagtukod sang bacolod city general hospital bangud yara na karon sa senado ang hagna angut sa ini nga proyekto.Sang nagligad nga semana nagpasar sang resolusyon ang Sangguniang Panlungsod nga nagahinyo sa alkalde nga magpa-in sang pondo para ipatukod sang kaugalingon nga ospital sang Bacolod.Pero ginpahayag ni Leonardia nga indi na ini kinahanglan bangud malapit na lamang nga mapasar bilang kasuguan ang hagna ni Bacolod Congressman Greg Gasataya angut sa pagpatukod sang Bacolod City General Hospital kag paghatag sang nagakaigo nga pondo para diri.Gindugang pa sang alkalde nga indi posible ang ginasiling sang pila ka mga netizens nga imbes nga magpatindug ang siudad sang coliseum, isa na lamang ka ospital ang it...

Indi lang mga health workers ang naka eksperyensya sang diskriminasyon bangud sang COVID-19 kundi pati mga empleyado sang gobyerno.Suno sa human resource officer sang siudad sang Bacolod nga si Eman Aguirre, indi man basta basta ang inagyan sang mga empleyado sang siudad bangud kadamo sa ila ang nag positibo sa COVID-19, may tiun nga ang iban sa ila wala gina pasulod sa bangko kag sa mga commercial establishments bangud may nag positibo sa COVID-19 sa ila departamento.Isa ini sa mga rason kun ngaa nagpatigayon ang Human Resource Management Services Office, in coordination with the Vice Mayor’s Office and Office of Councilor Cindy Rojas, sang mental health kag psycho social support activity para sa department heads kag mga empleyado sang siudad.Suno sa kay Professor Calvin Dave ...