Shadow

Amay patay matapos tiruhon sa atubang sang iya anak

Ruel Bangoy photo

Patay ang 34 anyos nga si Leonardo Garcia matapos tiruhon sang wala pa makilala nga persona kagab-i sa Barangay Sta Rosa sa banwa sang Murcia.

Suno kay Police Lieutenant John Paul Tabujara, OIC sang Murcia PNP, naga pungko lang sa gwa sang ila balay upod ang iya 10 ka tuig nga anak si Garcia sang mag abot ang lalaki nga sakay sa motor.

Nagbakal ang lalaki sang gasolina nga ginabaligya nanday Garcia kag matapos baligyaan, suno sa pulis gilayon nalang gin tiro sang makapa pila ka beses sang suspek si Garcia.

Apat ka basiyo sang calibre 45 ang na recover sa crime scene.

Patay na sang mag abot sa ospital si Garcia.

Ginalantaw karon nga motibo sang PNP amo ang away sa pamilya.

Suno abi kay Tabujara, may bayaw si Garcia nga ila sadto gin pa preso bangud sang iligal nga droga.

Naka gwa na sa presuhan ang amo nga persona kag siya amo karon ang person of interest sang PNP bangud base sa ila pag usisa, tuyo balusan sang ginpapreso bayaw si Garcia.

Padayon ang imbestigasyon sang PNP angut sa kaso.

Secured By miniOrangeSecured By miniOrange