Balita Hiligaynon

Tatlo ka adlaw antes sang paskwa mga negosyante sa Christmas bazar sa plaza nag siling nga tuman ka pigaw sang negosyoHaluson may naga bakal sa mga baligya sang mga negosyante sa tabok sang San Sebastian Cathedral.Suno sa mga negosyante ililisipon lang gid ang customer nga naga bakal sang ila nga mga produkto.Bisan pa Dominggo nga adlaw kag may misa ililisipon sa gihapon ang ila nga mga customer.Suno sa mga vendors mabatyagan pa sa gihapon ang kakulba sang mga tawo nga mag gwa kag ang kapuraot sang kalabanan.Sa naga pabilin nga inadlaw sang tuig naga laom pa sila nga makabawi pa sila.

Nag lab-ot na sa 25 ang napatay bangud sang COVID-19 sa Negros Oriental.Pinaka ulihi nga napatay ang isa ka jail officer nga taga Dumaguete City.May walo man ka bag-o nga kaso sang COVID-19 sa probinsya.Kabahin diri ang duha ka nurse kag isa ka doktor nga naga trabaho sa ospital sa Dumaguete.823 tanan na ang total COVID-19 cases sa Negros Oriental kag 107 diri ang active cases.

Pontevedra PNP photoPatay ang 37 anyos nga si Police Staff Sargeant Ildefonso Casugod matapos tiruhon kaina sang wala pa makilala nga persona sa Reclamation Area sa banwa sang Pontevedra.Sa imbestigasyon sang PNP, si Casugod ang naga jogging mga alas 6 sang aga sa nasambit nga lugar sang hinali siya palapitan kag tiruhon sa ulo sang suspek nga nag resulta sa iya kamatayon.Suno sa OIC sang Pontevedra PNP nga si Captain Hancel Lumandaz, upod pa nga naga jogging sang biktima ang alkalde sang banwa sang matabo ang pagpaniro.Madamo man sang iban pa nga nga naga jogging sang matabo ang krimen ugaling suno sa pulis wala sang may makakilala sa suspek bangud natabunan sang hood sang jacket ang iya ulo kag siya ang naka face mask.Gilayon nagsakay ang gunman sa motorsiklo kag nagp...

Ginpahayag ni Negros Occidental Police Provincial Office PIO, Police Lieutenant Abegael Donasco, nga wala sang holiday ceasfire ang kapulisan subong nga nga tuig bangud sa away kontra sa mga rebelde.Suno kay Donasco ila sundon ang pahayag ni Presidente Rodrigo Duterte nga wala sang may matabo nga ceasefire subong nga holiday season ini bisan pa wala sang may ginpapanaug nga memorandum ang PNP headquarters.Padayon ang ila nga "all out war" batuk sa mga rebelde nga CPP-NPA suno kay Donasco bisan subong nag paskwa kag bag-ong tuig.Naka full alert man sa gihapon ang PNP suno kay Donasco.

Mainit karon sa social media ang gin himo nga pagpatay ni Police Senior Master Sergeant Jonel Nuezca sang Parañaque City Police Crime Laboratory sa mag iloy nga Sonya kag Frank Gregorio sa Paniqui, Tarlac sang kahapon.Nag lapta ang video kun paano gin tiro sang pulis ang duha bangud lang sang pag sabat sang iloy sa anak ni Nuezca nga naga siling nga isa ka pulis ang iya amay.Sa imbestigasyon sang PNP, natabo ang pagbaisay sang suspek kag mga biktima bangud lang sang gina alegar pag palupok sang boga.Madamo sang mga netizens ang karon naga pagwa sang ila nga mga balatyagon sa social media bangud sang natabo kag ila gin panawagan ang paguntat sang pag pamatay ilabi na sang police brutality.May mga naga pahayag pa sa social media nga mismo ang pulis amo ang ila gina tudlo nga ...

Sakay sa BRP Gabriela Silang ang commandant sang Philippine Coast Guard sa iya nga pagbisita sa Bacolod sa pagtambong sang anibersaryo sang Coast Guard District Southern Visayas District.Ang BRP Gabriela Silang ang ginakabig pinaka dako nga offshore patrol vessel sang PCG.Ini ang ginbuksan sa publiko subong nga adlaw.Sarang makasakay sang 500 ka tawo sa isa ka biyahe ang amo vessel.83 ka metro ang laba sang BRP Gabriela Silang kag may range nga 8,000 nautical miles sa 15 knots. Sarang ini maka operate sa sulod sang lima ka semana nga wala sang untat.Suno kay Admiral George Ursabia, Jr., commandant sang PCG, ini ang kabahin na sang modernization program sang PCG kag may plano pa nga madugangan ini.Suno kay Ursabia kinahanglan sang Coast Guard ang dugang pa nga resour...

Fully recovered na ang tanan nga COVID-19 cases sa mga personnel sang Negros Occidental Police Provincial Office, ini ang ginpahayag ni Police Lieutenant Abegael Donasco, PIO sang NOCPPO.Suno kay Donasco, nag ayo na ang 2 ka mga pulis nga ulihi nga nag positibo sa COVID-19.Ang pulis sa Talisay suno kay Donasco ang nakabalik na sa duty samtang ang pulis naman sa Cadiz ang gina tapos na lang ang 7 ka adlaw nga home quarantine.38 ang total COVID-19 cases sa personnel sang NOCPPO kag tanan ang recovered na.

Isa ka Coast Guard personnel sa kada isa ka kilometro sang coastline. Ini ang tuyo sang PCG rason nga suno kay Admiral George Ursabia, Jr ang Commandant sang PCG padayon ang ila nga pag hire sang dugang nga personnel para malambot ang target nga 40,000.Sa karon, may 18,500 ka katapo ang PCG.Si Ursabia ang dinapit nga bisita anibersaryo sang Coast Guard District sa Southern Visayas.Kabahin na sa mandato sang PCG ang pagpasiguro sang nagakaigo nga seguridad sa mga puerto, sa coastline, lakip na environmental protection kag sakop sang maritime domain.Pero luyag ni Ursabia nga nag punko sang hunyo bilang pamuno sang PCG nga indi pagkalipatan sang mga personnel sang Coast Guard ang gugma sa pungsod, ang mag mangin maluluy-on kag kahadlok sa Dios.Ini suno sa iya ang iya nga g...

Masobra sa 800 ang gina paabot nga maga pauli sa probinsya sini nga Domingo.Suno kay Zeaphard Caelian ang incident commander sang Provincial Incident Management Team magluwas sa masobra 600 ka mga na stranded nga maga pinauli sa Domingo paagi sa ginpasugtan nga mga flights, may masobra sa 200 man nga gina paabot sa puerto.Suno kay Caelian bangud sang bagyo nag take shelter anay ang barko gani na may delay ang trip kag sa Domingo naman sila maga abot.Bilang kabahin sa pagpanghanda, ang mga positibo sa COVID-19 sa Silay Healing Center ang iga saylo sa EB Magalona Healing Center agudto maligwa ang lugar sa silay.Suno kay Caelian ang indi makuha sang mga local government units bangud nga puno na ang quarantine facilitites sini ang igabutang sa Silay kag Cadiz healing centers....