Shadow

NOCPPO naga hinyu nga indi pag i-generalize sa tanan nga pulis ang ginhimo sang pulis sa Tarlac

Mainit karon sa social media ang gin himo nga pagpatay ni Police Senior Master Sergeant Jonel Nuezca sang Parañaque City Police Crime Laboratory sa mag iloy nga Sonya kag Frank Gregorio sa Paniqui, Tarlac sang kahapon.

Nag lapta ang video kun paano gin tiro sang pulis ang duha bangud lang sang pag sabat sang iloy sa anak ni Nuezca nga naga siling nga isa ka pulis ang iya amay.

Sa imbestigasyon sang PNP, natabo ang pagbaisay sang suspek kag mga biktima bangud lang sang gina alegar pag palupok sang boga.

Madamo sang mga netizens ang karon naga pagwa sang ila nga mga balatyagon sa social media bangud sang natabo kag ila gin panawagan ang paguntat sang pag pamatay ilabi na sang police brutality.

May mga naga pahayag pa sa social media nga mismo ang pulis amo ang ila gina tudlo nga mga terorista.

Ang Negros Occidental Police Provincial Office ang nag pagwa na sang statement angut sa natabo.

Suno kay Police Lieutenant Abegael Donasco, PIO sang NOCPPO, ang Negros Occidental PNP ang nagahinyu sa publiko nga indi pag i generalize ukon pag itudlo sa tanan nga mga pulis ang gin himo sang isa ka pulis sa Tarlac.

Si Donasco nag dugang nga indi tanan nga pulis kaangay sa kay Nueztra kag sila ang nagakadalahig lang bangud sa indi amo nga gin himo ni Nueztra,

Posible nadulaan lang suno sa ila sang self control si Nueztra amo kun ngaa nausar niya ang iya issued firearm sa kalainan.

Gina siguro naman ni Donasco nga ang kapulisan sang NOCPPO ang naga usar lang sang ila nga armas para sa safety kag security sang mga pumuluyo.

Secured By miniOrangeSecured By miniOrange