Sakay sa BRP Gabriela Silang ang commandant sang Philippine Coast Guard sa iya nga pagbisita sa Bacolod sa pagtambong sang anibersaryo sang Coast Guard District Southern Visayas District.
Ang BRP Gabriela Silang ang ginakabig pinaka dako nga offshore patrol vessel sang PCG.
Ini ang ginbuksan sa publiko subong nga adlaw.
Sarang makasakay sang 500 ka tawo sa isa ka biyahe ang amo vessel.
83 ka metro ang laba sang BRP Gabriela Silang kag may range nga 8,000 nautical miles sa 15 knots. Sarang ini maka operate sa sulod sang lima ka semana nga wala sang untat.
Suno kay Admiral George Ursabia, Jr., commandant sang PCG, ini ang kabahin na sang modernization program sang PCG kag may plano pa nga madugangan ini.
Suno kay Ursabia kinahanglan sang Coast Guard ang dugang pa nga resources agudto mas mapasangkad pa gid ang operation nila.
Sa karon ang patrolling sa West Philippine Sea sa idalom pa sang militar pero ginapaabot sang Coast Guard nga sa ulihi sila ang igalakip na diri.
“We are anticipating that soon the Coast Guard will be called in to have more role in addressing the issues in the West Philippine Sea. We are having talks in the higher level. Coast guard may soon be involved in such. Of course in doing so we have to capacitate especially in appropriate sizes of vessel. And this is one off shore patrol vessel,” suno kay Ursabia.